bwiza.com
Ahabanza » Chameleone: Muzabona inkubi muri politiki itazasiga n’ibyatsi bigihagaze
Amakuru Imyidagaduro Politiki

Chameleone: Muzabona inkubi muri politiki itazasiga n’ibyatsi bigihagaze

Umuhanzi wamamaye mu Bugande, Joseph Mayanja uzwi nka Chameleone yasabye abamushyigikiye kuba maso ngo kuko mu 2021 azakura ku ntebe umuyobozi w’umugi wa Kampala, Erias Lukwango, ayicareho.

Chameleone yakomeje ashimangira ku umwaka w’2021 uzatorwamo umukuru w’igihugu cy’ Ubugande uzamubera mwiza, haba ku bafana n’abakunzi be. Yakomeje abwira aba baturage bo mu gace ka Kawempe yavukiyemo ko bazabona umuyaga mwinshi cyane utazasiga n’ibyatsi bigihagaze.

Yavuze ko nta giti cyangwa igorofa rizasigara rihagaze.
“Mwiyizere, umwaka w’2021 uzababera umwaka mwiza. Ni umuyaga mwinshi ugiye uza ku buryo nta na kimwe uzasiga.” Chameleona aha ikizere abaturage ba Kawempe.

Yageze muri aka gace ashaka umugisha:
“ Mvuka muri aha ngaha, mbese ni mu rugo. Nakoze uko nshoboye kugira ngo nitwe icyamamare gituruka muri Kawempe. Naje kubashakiraho umugisha kubera ko kugira ngo ngere aho ngeze, ni mwe mwabanje kuwumpa”. Chameleone abwira abaturage.

Nk’uko Nile Post ibuvuga, Chameleone yasabye abaturage kugira ibyo bajya bikorera, aho gutegereza ababishinzwe ngo baze babibakorere. Yatanze urugero rwo gusukura aho batuye.

Chameleone kandi yaririmbanye indirimbo ze n’aba baturage ndetse yitabira n’umukino w’umupira w’amaguru yateguriwe mu rwego rwo kumuha icyubahiro nk’icyamamare cyavukiye muri Kawembe.

Izindi wakunda

Bwiza.com
error: Ntibyemewe