bwiza.com
Ahabanza » Perezida Tshisekedi yasabwe kwimura umurambo wa Mzee Kabila no kubura urubanza rw’abamwishe
Amakuru Politiki

Perezida Tshisekedi yasabwe kwimura umurambo wa Mzee Kabila no kubura urubanza rw’abamwishe

Ishyaka CRDD (Conscience Républicaine pour la Démocratie et le Développement) niryo risaba Perezida Tshisekedi Felix umaze amezi ane atorewe kuyobora Repubulika Iharanira Demokarasi ya Congo gusubirishamo vuba urubanza n’abahamwe n’icyaha cyo kwica Perezida Laurent-Désiré Kabila. 

Iri shyaka ryagejeje ubusabe bwaryo kuri Perezida ribicishije mu itangazo ryasohoye rishyirwaho umukono na Perezida waryo, Huit Mulongo, unasaba ko umurambo we wakwimurwa, ukajyanwa gushyingurwa mu Ntara ya Katanga, aho yise ku butaka bw’abakurambere.

Nk’uko bitangazwa na Radiyo Okapi, Huit Mulongo avuga ko Kabila yishwe mu 2001 nyuma bamwe mu bashinjwe urupfu rwe barafatwa ndetse banakatirwa n’inkiko, banahabwa ibihano birimo n’icy’urupfu kuri bamwe, ariko ko 70% by’abaturage ba Congo batanyuzwe n’ubutabera yahawe, aho bavuga ko na n’ubu urupfu rwe rukirimo urujijo.

Ku wa ya 16 Mutarama 2001, nibwo Laurent Desire Kabila wari waragiye ku butegetsi mu 1997, yarasiwe muri perezidansi i Kinshasa ari mu biro. Byatangajwe ko amasasu yarashwe mu mutwe yayarashwe n’uwari uzwi ku izina rya Kadogo, umwe mu basirikare bamurindaga. Gusa urupfu rwe rwakomeje kuba amayobera mu mitwe ya benshi.

Umwe mu barinzi ba Perezida Laurent Desire Kabila,Caporal Rachidi Kasereka (Kadogo), niwe warashe sebuja amasasu atatu mu mutwe ahita apfa, uyu musirikare na we ageze hanze aricwa.

Ibinyamakuru bitandukanye bitangaza ko nyuma y’iraswa rya Perezida Mzee Kabila wari mu biro bye, hatamenyekanye uwari ku mbarutso y’imbunda Rachidi (Kadogo) yari afite, amuha amabwiriza n’icyo byari bihatse.

Kugeza ubu urupfu rwe ntabwo rwari rwasobanuka, KANDA HANO USOME INKURU BIFITANYE ISANO

 

Izindi wakunda

Bwiza.com
error: Alert: Ntabwo byemewe!!