bwiza.com
Ahabanza » RDC: Impunzi z’Abarundi zitaraka kurya rimwe ku munsi n’indi mibereho mibi
Amakuru Politiki

RDC: Impunzi z’Abarundi zitaraka kurya rimwe ku munsi n’indi mibereho mibi

Impunzi z’Abarundi zibarirwa muri 200 ziri muri Repubulika Iharanira Demokarasi ya Congo zitangaza ko zibayeho mu buzima bubi bwiyongeraho kurya rimwe ku munsi.

Izi mpunzi ziganjemo abagore n’abana, ni izahunze mu Burundi mu byumweru bibiri bishize, zikaba zicumbikiwe mu nkambi ya Sange na Kavimviri, muri Teritwari ya Uvira, Intara ya Kivu y’Amajyepfo.

Izi mpunzi zitangaza ko nta handi zikura amaramuko uretse kujya guca incuro mu baturage b’abanye Congo babahemba ibiribwa. Umwe muri izi mpunzi w’umugore ufite abana bane, yatangarije SOS Medias/ Burundi ko agenda agahinga agahabwa ibiribwa atungisha abane be.

Mu gihe basaba ubufasha Agashami k’Umuryango w’Abibumbye kita ku Mpunzi (UNHCR), banavuga ko bafite impungenge z’ubwo buzima babayemo, aho bakeka ko bashobora kurwazwa indwara ziterwa n’imirire mibi mu bana ndetse n’izikururwa n’umwanda.

Komisiyo ishinzwe impunzi muri iyi Teritwari ya Uvira, itangaza ko yatangiye kwakira izi mpunzi byemewe n’amategeko, bakabanza kumenya imyirondoro yazo nyuma bakabona kuzohereza mu nkambi y’impunzi ya Mulongue zikabona guhabwa ubufasha na HCR.

Izindi wakunda

Bwiza.com
error: Ntibyemewe