bwiza.com
Ahabanza » Umunyarwanda Kayihura Modeste wiyita umuhanuzi yirukanwe mu Burundi
Amakuru Politiki

Umunyarwanda Kayihura Modeste wiyita umuhanuzi yirukanwe mu Burundi

Umunyarwanda, Kayihura Modeste wiyita Umuhanuzi yirukanwe mu gihugu cy’u Burundi ashinjwa ibyaha bitandukanye birimo gufata ku ngufu.

Igipolisi cy’u Burundi kikaba cyatangaje ko kuri uyu wa Mbere, itariki 15 Mata, hafashwe icyemezo cyo gusubiza Kayihura Modeste mu Rwanda kuko ari ho akomoka.

Uyu mugabo uvuga ko abona ibyo abandi batabasha kubona nk’uko urubuga Ubmnews rwo mu Burundi dukesha iyi nkuru ruvuga, ashinjwa n’igipolisi ubujura, ububeshyi mu gutera ubwoba, gufata abakobwa ku ngufu no kutagira ibyangombwa byemewe.

Igipolisi cy’u Burundi kikaba cyatangazaga kuri uyu wa Mbere ushize ari bwo cyagombaga gusubiza Kayihura mu Rwanda.

Biravugwa ko Kayihura yari afite urusengero mu nyubako ya Hotel Source du Nil, akaba yaramenyekanye cyane nyuma y’ikiganiro yatanze kuri Radio Buja FM avuga ko abakinnyi b’Ikipe y’igihugu y’umupira w’amaguru y’u Burundi, Intamba mu Rugamba, batamuhaye icya cumi nyuma yo kunganya na Gabon batazakina Igikombe cya Afurika mu Misiri.

Ibi rero ngo byatangaje benshi barimo igipolisi n’abakuriye ishyirahamwe ry’umupira w’amaguru mu Burundi. Kayihura Modeste we akaba avuga ko yari yahanuye ko u Burundi na Gabon bizagwa miswi.

Izindi wakunda

Bwiza.com
error: Ntibyemewe