bwiza.com
Ahabanza » ADEPR/Nyarugenge: Umugabo yatanze ubuhamya bw’inzira y’umusaraba yaciyemo muri jenoside bukora benshi ku mutima
Amakuru Politiki

ADEPR/Nyarugenge: Umugabo yatanze ubuhamya bw’inzira y’umusaraba yaciyemo muri jenoside bukora benshi ku mutima

Ukundayesu J.M.V ni umugabo utuye mu Karere ka Kicukiro, Umujyi wa Kigali, ubwo yatangaga ubuhamya bw’ubuzima yanyuzemo muri jenoside yakorewe Abatutsi mu 1994, benshi mu bari bamuhanze amaso ndetse banamuteze amatwi, bwabakoze ku mutima.

Ni ubuhamya Ukundayesu warokotse jenoside, yatangiye mu rusengero rwa ADEPR/Muhima,  ubwo iri torero mu rwego rw’Akarere ka Nyarugenge ryibukaga abari abayoboke baryo bishwe muri jenoside yakorewe Abatutsi.

Ukundayesu avuga ko mbere ya jenoside yagiye akora ibizamini by’akazi bitandukanye ariko ntabe yatsinda, ndetse akanacibwa intege kubera ubwoko bwe.

Avuga ubutumwa yasigiwe na mugenzi we bari bihishanye mu rusengero, ariko bikarangira yishwe n’Interahamwe, benshi bwabakoze ku mitima.

Yagize ati “Ajya kugenda yamfashe ikiganza gutya arambwira ati ‘Ndagiye, uzabwire benedata ko ntashye neza’, ubwo njyewe arambwira ati ‘sinzakubureyo, ntashye amahoro ariko wowe sinzakubureyo,uzihangane, sinzakubureyo’[…] Bamushinze amacumu aho imbere y’urusengero”.

Yakomeje avuga ko yaje kurokokera muri urwo rusengero nyuma yo kubonwa n’uwitwaga Gatera wari mu bicanyi, bari baziranye ari n’inshuti y’umuryango, wamubwiye ati “Sinshaka kubona amaraso yawe n’ukuntu iwanyu bangaburiye, uzagwe ahandi”.

Ubuhamya burambuye: REBA VIDEO

Izindi wakunda

Bwiza.com
error: Alert: Ntabwo byemewe!!