bwiza.com
Ahabanza » Kenya: Ubwo abapolisi barebaga Barça na Man. U, amabandi yabibye imbunda
Imikino Utuntu n'utundi

Kenya: Ubwo abapolisi barebaga Barça na Man. U, amabandi yabibye imbunda

Kenya-Ubwo abapolisi barebaga umupira wa FC Barcelona na Manchester United mu mikino ya UEFA Champions League, amabandi yabaciye mu rihumye yiba imbunda eshatu.
Amakuru dukesha Nile Post aravuga ko ubu bujura bwabereye ku kigo cy’abapolisi cya Kobujoi mu gace ka Nandi.

“Abapolisi bose bari bavuye ku kigo bagiye kureba umupira ku isoko rihegereye, bagarutse bageze mu bubiko bw’imbunda basaga agasanduku zibikwamo kamenetse.” Aya ni amakuru aturuka ku gipolisi cya Kenya.

Izi mbunda kandi bazibye zirimo amasasu 20 kuri buri imwe ariko baza gusiga utundi duce tw’imbunda tubamo amasasu(magazine) 17 tubiri n’akandi kamwe kabamo 20. Ubu haracyakorwa iperereza kugira ngo bamenye aya mabandi.

Uyu mukino wabaye ejo ku wa kabiri, FC Barcelona yatsinzemo Manchester United ibitego bitatu ku busa;bibiri bya Lionel Messi na kimwe cya Philip Coutinho.

Izindi wakunda

Bwiza.com
error: Ntibyemewe