bwiza.com
Ahabanza » Somalia: Amerika iremeza ko yivuganye numero ya 2 mu ishami rya Islamic State
Amakuru Politiki

Somalia: Amerika iremeza ko yivuganye numero ya 2 mu ishami rya Islamic State

Leta Zunze Ubumwe za Amerika ziratangaza ko zivuganye uwari wungirije umuyobozi wa Leta ya Kisilamu muri Somalia mu bitero zikomeje kugaba ntagondwa zo muri iki gihugu zitwaza Idini ya Isilamu.

Abdulhakim Dhoqob, wari wungirije umuyobozi mukuru wa Islamic State akaba yarishwe ku Cyumweru, itariki 14 Mata mu gitero cy’indege cyagabwe mu majyaruguru ya Somalia nk’uko tubikesha RFI.

Nk’uko bitangazwa n’abayobozi bo muri Somalia, Abdulhakim Dhoqob ngo yicanwe n’umwe mu bantu be ubwo imodoka ye yashwanyuzwaga n’igisasu cy’Abanyamerika ubwo yari arimo aratembera mu giturage giherereye mu karere ka Bari, mu majyaruguru y’igihugu.

Mu itangazo ryashyizwe ahagaragara ribika urupfu rwe, Umugaba mukuru w’ingabo za Amerika, ibiro bishinwe Afurika (AFRICOM) yavuze ko Dhoqob yari numero 2 mu ishami rya Islamic State muri Somalia.

Africom ivuga ko ifite abasirikare 250 bagomba guhangana n’abarwanyi ba Al Shabab babarirwa hagati y’ibihumbi 3 n’ibihumbi birindwi, ivuga ko yivuganye uyu mugabo mu rwego rwo kongera ibitero bya drones ku barwanyi ba Al Shabab kuva Perezida Trump yagera ku butegetsi mu 2018. Imibare ikaba yemeza ko abarwanyi 326 bamaze kwicirwa na Leta Zunze Ubumwe za Amerika muri Somalia.

 

Izindi wakunda

Bwiza.com
error: Alert: Ntabwo byemewe!!