bwiza.com
Ahabanza » Ubushakashatsi: Ubwoya bw’imbwa bugira udukoko duke ku tw’ubwanwa bw’umuntu
Ubuzima Utuntu n'utundi

Ubushakashatsi: Ubwoya bw’imbwa bugira udukoko duke ku tw’ubwanwa bw’umuntu

Mu bushakashatsi bwakozwe n’abahanga mu by’ubumenyi bushingiye ku buzima mu Busuwisi, bakoze basanze ubwanwa bw’umuntu buba bubitse udukoko twinshi kuruta utw’ubwoya bw’imbwa bubika.

Ni ubushakashatsi bwari bugamije kureba niba imbwa zidashobora kwanduza umuntu indwara bitewe n’udukoko tuba mu bwoya bwazo, batungurwa no gusanga umuntu ufite ubwanwa bwinshi ari we kibazo kurusha.

Andreas Gutzeit, umwe mu bagize uruhare muri ubu bushakashatsi yagize ati:

“Dushingiye ku bivuye mu bushakashatsi, twavuga ko imbwa zifite isuku kurusha umuntu ufite ubwanwa”.

Aba banyabumenyi bafashe abagabo 18 bafite ubwanwa bwinshi, bari ku kigero cy’imyaka 18 na 76 y’amavuko, bafata n’imbwa 30 mu rwego rwo kureba ingano y’udukoko tubamo mu bwoya no mu bwanwa.

Basanze aba bagabo bose bafite udukoko mu bwanwa bwabo, mu gihe imbwa 23 muri 30 ari zo basanzemo udukoko. 7 muri bo bari bafite udukoko twinshi mu gihe ku mbwa zapimwe basanze zifite umubare muto w’udukoko.

Izindi wakunda

Bwiza.com