bwiza.com
Amakuru Politiki

Tanzania: Abasirikare barinze inkambi y’Abarundi nk’abiteguye urugamba

Impunzi z’Abarundi zo mu nkambi ya Nduta zitangaza ko zihangayitse nyuma yo kubona abasirikare ba Leta barinze iyi nkambi bafite intwaro zikomeye, ibintu bavuga ko bitari bisanzwe.

Izi mpunzi zivuga ko abo basirikare ba Leta bameze nk’abiteguye urugamba. Ibi bikaba bibaye mu gihe hashize iminsi havugwa ko mu mashyamba ari hafi y’iyi nkambi hari umutwe w’abitwaje intwaro bagamije guhungabanya umutekano w’izi mpunzi.

SOS Medias/ Burundi itangaza ko kuva ku wa Mbere w’Iki cyumweru aribwo aba basirikare batangiye kugaragara kuri iyi nkambi, kuva uwo munsi ngo nta n’impunzi yemerewe gusohoka inkambi nk’uko byari bisanzwe.

Ubuyobozi bw’iyi nkambi ngo byatangarije izi mpunzi ko hari ikibazo cy’umutekano wazo, by’umwihariko ko ingabo za Leta ziryamiye amajanja mu gihe ngo zishobora gukozanyaho isaha ku isaha n’inyeshyamba zivuga Ikirundi ziri mu mashyamba yegereye inkambi.

Izi nyeshyamba zivuga Ikirundi, ngo zagiye zishimuta impunzi mu nkambi zikazica ndetse zikanafata ku ngufu abakobwa n’abagore baba basohotse inkambi bakajya mu ishyamba gutashya.

Izi mpunzi zikaba zisaba ingabo na Polisi bya Tanzania ndetse na HCR gukaza umutekano mu gihe zibona hari abagamije guhungabanya umutekano wazo bicyekwa ko ari aboherejwe na Leta y’u Burundi bahunze.

Izindi wakunda

Bwiza.com
error: Alert: Ntabwo byemewe!!