bwiza.com
Amakuru Imyidagaduro

Zari yiteguye kurongorwa vuba n’umugabo wa Gatatu

Umuherwekazi Zari Hassan nyuma yo gutandukana n’umuhanzi Diamond Platnumz wo muri Tanzania, atangaza ko ubu yitegura gushyingiranwa n’undi musore mu minsi mike iri imbere, ubukwe bukazakorwa mu ibanga.

Video yashyize ku rukuta rwe rwa Instagram, Zari avuga ko muri ubwo bukwe bwe ateganya kuzatumira inshuti ze za hafi ndetse na bake bo mu muryango.

Yagize ati “Oh! Ubukwe bwanjye bugiye kuba mu muhezo, imyiteguro nirangira nibwo muzamenyehswa amakuru arambuye. Abo mu muryango n’inshuti nibo batumirwa gusa,…”.

Mu cyumweru gishize nibwo Zari yashyize hanze amafoto y’impano yavuze ko yahawe n’umukunzi we uzwi nka King Bae ndetse anatangaza ko umutima we unezerewe.

Uyu muherwekazi kandi yashyize hanze amafoto ari kumwe n’uyu musore bakundana, ubu akaba atangaza ko yitegura ubukwe mu gihe yari yatangaje ko adashishikajwe n’abagabo ubwo yari amaze gutandukana na Diamond wari umaze kumubyaza abana babiri.

Zari yavugagaga ko agiye kwita ku burere bw’abana be batanu, batatu yabyaranye n’umugabo we wa mbere, Ivan Ssemwaga wapfuye mu mwaka wa 2017, na babiri yabyaranye na Diamond batandukanye umwaka ushize amushinja ubuhehesi.

 

 

Izindi wakunda

Bwiza.com
error: Alert: Ntabwo byemewe!!