bwiza.com
Ahabanza » Inyeshyamba zikomoka muri Uganda zishe abasirikare babiri ba Congo
Amakuru Politiki

Inyeshyamba zikomoka muri Uganda zishe abasirikare babiri ba Congo

Abasirikare babiri ba Repubulika Iharanira Demokarasi ya Congo, bapfiriye mu mirwano yabahuje n’inyeshyamba za ADF zikomoka muri Uganda.

Aba basirikare bapfiriye mu mirwano yabaye ku wa Kabiri w’iki cyumweru mu gace ka Bovata/ Watalinga, muri Teritwari ya Beni, Intara ya Kivu y’Amajyaruguru.

Sosiyeti Sivile muri aka gace itangaza ko hakomerekejwe n’umusivile umwe, nk’uko bitangazwa na perezida wayo, David Muwaze.

Yagize ati “ ADF yagabye igitero ku nkambi y’ingabo za Leta, abaturage bahungiye i Kamango na Nobili. Umusivile umwe yarashwe ku kiganza cy’ibumoso, ku bufatanye n’ingabo za Leta twateguye umuhango wo gushyingura abasirikare babiri bishwe i Kamango”.

Izi nyeshyamba zigabye igitero ku gisirikare cya Leta mu gihe hari hashize icyumweru kimwe zishe abasivile barindwi i Kyanimbe, agace kari mu bilometero 100 uvuye mu Burasirazuba bw’Amajyaruguru y’Umujyi wa Beni.

 

Izindi wakunda

Bwiza.com
error: Alert: Ntabwo byemewe!!