bwiza.com
Ahabanza » Mukontorore ibitsina byanyu- Musenyeri Ntagali abwira abakirisitu
Amakuru Iyobokamana

Mukontorore ibitsina byanyu- Musenyeri Ntagali abwira abakirisitu

Umuyobozi w’Itorero ry’Abaporotesitanti muri Uganda, Mgr Stanley Ntagali yanenze ababyeyi bafata abana ku ngufu ndetse n’ababyarana n’abo batashakanye, abasaba kugenzura irari ry’ibitsina byabo.

Ibi  uyu mushumba yabitangaje ubwo yatangaga ubutumwa bwa pasika ku bakirisitu mu kiganiro n’itangazamakuru i Namirembe.

Ati “ Babyeyi, mushobora kugenzura irari ry’ibitsina byanyu mukareka gufata ku ngufu abana bityo mukaba indahemuka ku bo mwashakanye. Tuzi uko biba bimeze iyo tugiye gushyingura umugabo mukanya hakaza abana bavuye ku wundi mugore basaba ubufasha. Akenshi usanga aba bana na nyina ubabyara ntibaba bazwi.”

Yakomeje agira ati “ Twagerageza kwifata nk’uko Imana yabiduhaye ubwo yyaturemaga mu ishushyo ryayo. Ntitumeze nk’inyamaswa zigendera ku byiyumvo byazo n’icyo zikeneye.”

Uyu mushumba yasabye abakirisitu guha abana babo umwanya, abakabaganiriza kugira ngo bamenye ibibazo bafite. Yamaganye ababyeyi baharira inshingano zo kurera abo babyaye abakozi bo mu rugo.

The Daily Monitor

Izindi wakunda

Bwiza.com