bwiza.com
Ahabanza » Museveni yemerewe kwiyamamaza ku mwanya wa Perezida igihe cyose azaba akiriho
Amakuru Politiki

Museveni yemerewe kwiyamamaza ku mwanya wa Perezida igihe cyose azaba akiriho

Urukiko rw’ikirenga rwa Uganda rwashyigikiye icyemezo cy’urukiko rw’itegekonshinga cyo gukuraho ikigero cy’imyaka 75 y’amavuko nk’imyaka ntarengwa umuntu aba atacyemerewe kwiyamamariza kuba perezida.

Bivuze ko Perezida Yoweri Museveni wa Uganda ufite imyaka 74 y’amavuko, ashobora kongera kwiyamamaza mu matora ateganyijwe kuba mu mwaka wa 2021.

Ku wa Kane tariki ya 18 Mata 2019,  nibwo abacamanza bane batoye bashyigikira umwanzuro wari wafashwe n’urukiko rw’itegekonshinga ujyanye no guhindura itegekonshinga, mu gihe batatu batoye banga uwo mwanzuro.

Mu mwaka wa 2005, manda ebyiri ntarengwa kuri Perezida zakuweho, byo kwemerera Museveni kongera kwiyamamaza. Nuko atsindira manda ya gatanu mu matora yo mu mwaka wa 2016.

Nk’uko BBC ibitangaza, ngo abanenga Museveni wageze ku butegetsi mu mwaka wa 1986, bavuga ko iki cyemezo cy’urukiko rw’ikirenga kimufunguriye urubuga rwo kuba yaba perezida ubuzima bwe bwose.

Izindi wakunda

Bwiza.com