bwiza.com
Amakuru Politiki

Nyaruguru: Imibiri 333 y’abazize jenoside yashyinguwe mu cyubahiro

Imibiri 333 y’abazize jenoside yakorewe Abatutsi Kuwa Gatatu itariki 17 Mata 219, yashyinguwe mu cyubahiro mu rwibutso rwa Jenoside rwa Munini mu Murenge wa  Munini, Akarere ka Nyaruguru.

Urwibutso rwa Jenoside rwa Munini rushyinguyemo imibiri isaga 13000 y’abazize Jenoside yakorewe Abatutsi.

Imibiri yashyinguwe irimo 285 yabonetse mu Murenge wa Busanze ahubakwaga amashuri.

Mu buhamywa bwatanzwe na Munyankindi Emmanuel, yagarutse ku bizazane yaciyemo kugeza ageze I Burundi aho yavuye ajya kwifatanya n’ingabo zari iza RPA-Inkotanyi mu rugamba rwo guhagarika Jenoside no kubohora Igihugu.

Abavuze kandi bagarutse ku ruhare rw’uwari superefe wa perefegitura ya Munini, Biniga Damien wagize uruhare mu kwica Abatutsi, kuko Abatutsi bari bahunze bagiye i Burundi yarabagaruraga akaza kubicira kuri superefrgitura ya Munini.

Perezida wa  IBUKA mu Karere ka Nyaruguru Muhizi Bertin,yavuze ko kwibuka ari  isoko y’ imbaraga zo kubaka Igihugu asaba abacitse ku icumu gukomera ntibaheranwe n’agahinda.

Guverineri w’Intara y’Amajyepfo, CG Emmanuel Gasana wari umushyitsi mukru muri iki gikorwa yashimiye abacitse ku icumu kuko basabwa byinshi  bakanatanga byinshi mu kubaka ubumwe bw’Abanyarwanda aho baha  imbabazi ababiciye.

Yasabye urubyiruko gukura isomo mu butumwa n’ubuhamya bumva mu bikorwa byo kwibuka  bakarwanya amacakubiri.

 

Izindi wakunda

Bwiza.com
error: Alert: Ntabwo byemewe!!