bwiza.com
Ahabanza » Uganda: Perezida Museveni yemerewe bidasubirwaho kuzahatanira manda ya 6
Amakuru Politiki

Uganda: Perezida Museveni yemerewe bidasubirwaho kuzahatanira manda ya 6

Kuri uyu wa Kane, itariki 18 Mata muri Uganda Urukiko rw’Ikirenga rwemeje itegeko ryemerera umuntu ugejeje ku myaka 75 y’amavuko cyangwa uyirengeje kwiyamamariza umwanya w’umukuru w’igihugu. Bisobanuye ko mu 2021 Perezida Museveni yemerewe kuzahatanira manda ya gatandatu.

Ni nyuma y’aho Inteko Ishinga Amategeko yaritoye mu Ukuboza mu 2017, Urukiko rushinzwe kurinda itegeko nshinga narwo rukaryemeza muri Nyakanga 2018.

Abatavuga rumwe na Perezida Museveni bajuririye urukiko rw’ikirenga, basaba ko rusesa iri tegeko, ariko kuri uyu wa Kane abacamanza bane bateye utwatsi ubu bujurire, abandi batatu barabushyigikira itegeko ryemezwa bidasubirwaho nk’uko tubikesha Ijwi rya Amerika.

Perezida Museveni  kuri ubu ufite imyaka 74 y’amavuko, ari ku butegetsi kuva mu 1986. Yahinduye itegeko nshinga inshuro nyinshi, bituma yiyamamariza kandi atsindira manda ya gatatu, iya kane n’iya gatanu. Muri Gashyantare uyu mwaka, ishyaka rye NRM (National Resistance Mouvement) ryemeje ko ari we uzarihagararira mu matora yo mu 2021.

 

Izindi wakunda

Bwiza.com
error: Ntibyemewe