bwiza.com
Ahabanza » Uvira: FARDC iravuga ko yataye muri yombi inyeshyamba ya RED-Tabara
Amakuru Politiki

Uvira: FARDC iravuga ko yataye muri yombi inyeshyamba ya RED-Tabara

Inyeshyamba y’Umurundi yo mu mutwe wa RED-Tabara yatawe muri yombi n’ingabo za Leta ya Congo (FARDC), aho bivugwa ko yafashwe n’ingabo zo muri regiment ya 3303 ikorera Kigoma, muri Teritwari ya Uvira, ho muri Kivu y’Amajyepfo.

Nk’uko byatangajwe na FARDC, ngo iyi nyeshyamba ya RED-Tabara kuwa gatatu ushize yagiye gushaka ahantu hari network ngo ivugane na bagenzi bayo ahitwa Marango-Kiryama. Uyu akaba yabwiye FARDC ko yari ategereje ubufasha bari bagiye guhabwa bw’ibikoresho n’ibyo kurya.

Komanda w’iyi regiment yataye muri yombi iyi nyeshyamba yatangaje ko uyu azoherezwa Uvira ngo abe ari ho afungirwa nk’uko iyinkuru dukesha SOSMediasBurundi ikomeza ivuga.

Kuva mu ntangiriro za Gashyantare, igisirikare cya Congo cyatangije ibikorwa bya gisirikare byo kurwanya imitwe yitwara gisirikare ifite ibirindiro muri Kivu y’Amajyepfo.

Igisirikare cya Congo kikaba cyemeza ko kirukanye umutwe wa RED-Tabara mu bice bya Kiryama, Kivuzampengere, Kitoga na Bibangwa, ko inyeshyamba z’uyu mutwe zimukiye muri Teritwari ya Mwenga. Zimwe muri izi nyeshyamba ariko ngo zaba zarasigaye mu misozi miremire aho zigomba kubona network ya telephone n’ibyo kurya.

Izindi wakunda

Bwiza.com
error: Alert: Ntabwo byemewe!!