bwiza.com
Ahabanza » Ubuhinde: Yikase urutoki nyuma yo gutora ishyaka atagambiriye
Utuntu n'utundi

Ubuhinde: Yikase urutoki nyuma yo gutora ishyaka atagambiriye

Ku wa 18 Mata, Umuhinde yikase urutoki nyuma yo kwibeshya agatora ishyaka atagambiriye. Yavuze ko ari igikorwa cyamubabaje, bituma ananirwa gucunga agahinda ke.

Pawan Kumar watoye ku nshuro ya mbere mu buzima, yabwiye kimwe mu bitangazamakuru byo muri iki gihugu ko yari afite gahunda yo gutora ishyaka rya Bahujan Samaj mu kiciro cya kabiri cy’amatora.

Ni mu matora yari ahuje amashyaka abiri, irya Bahujan na Hindu Nationalist Bharatiya(HNBP) riri ku butegetsi. Pawan washakaga gukanda ku kirango cy’ishyaka yagambiriye, yasanze yibeshye.

“Nakanze ku kirango HNRP nashakaga icya BSP. Nikase urutoki ku bw’amakosa nakoze.” Pawan asobanurira ikinyamakuru cya ANI.

Umuvandimwe wa Pawan, Kailash Chandra yabwiye ibiro ntaramakuru by’Abafaransa, AFP ko Pawan yari yishimiye gutora ku nshuro ya mbere ariko nyuma amenya ko yibeshye. Ati: “Buri uko yitegerezaga urutoki rwatoye, yababaraga cyane.” Yavuze ko yahise yikata urutoki yatoresheje rwari rukiriho umuti.

Mu Buhinde, abantu batazi gusoma bifashisha ibirango(ibishushanyo) by’amashyaka.

Aya matora ari kubera mu Buhinde ni yo afite agahigo ko kwitabirwa n’abantu benshi kurusha ibindi bihugu. Abemerewe gutora bagera ku 900,000,000.

Izindi wakunda

Bwiza.com
error: Alert: Ntabwo byemewe!!