bwiza.com
Ahabanza » Abantu 13 basengaga bitegura pasika bapfuye nyuma yo kugwirwa n’igikuta cy’urusengero
Amakuru Iyobokamana

Abantu 13 basengaga bitegura pasika bapfuye nyuma yo kugwirwa n’igikuta cy’urusengero

Abantu 13 bapfiriye mu mpanuka y’igikuta cya Kiliziya cyagwiriye abasengaga bitegura pasika, muri Afurika y’Epfo.

Ni impanuka yabaye ku wa 19 Mata, ubwo hari ku wa Kane Mutagatifi. Bitangazwa ko abantu 29 bakomerekejwe  n’icyo gikuta cya kiliziya cyahanutse ubwo imvura nyinshi yagwaga. Abakomeretse bavuriwe mu bitaro bikuru by’Intara ya KwaZulu-Natal, 13 bahita bahasiga ubuzima.

Umuvugizi w’ibi bitaro,  Robert McKenzie yagize ati “Hariho imvura nyinshi ubwo byabaga, gusa ntabwo tuzi icyaba cyateye uru rukuta guhanuka mu gihe tugitegereje ibizava mu iperereza polisi irimo gukora”.

Uru rusengero rwahanutse ni urw’itorero ‘Pentecostal Holiness’ rwahanutse ku wa Kane mutagatifu, ku munsi wakurikiyeho hakorwa amasengesho yihariye yakorewe mu ihema ryatewe hafi y’urusengero.

Nk’uko bitangazwa n’ikinyamakuru SDE, ngo umwaka ushize Perezida wa Afurika y’Epfo, Cyril Ramaphosa, yasuye iri torero abarisengeramo bamusaba inkunga yo kubaka urusengero rushya, impanuka ikaba ibaye ntacyo yari yabafasha.

 

 

Izindi wakunda

Bwiza.com