bwiza.com
Ahabanza » Ibyishimo bidasanzwe ku mukobwa wari umaze imyaka 50 nta musore wari wamubwira ‘Ndagukunda’
Amakuru Utuntu n'utundi

Ibyishimo bidasanzwe ku mukobwa wari umaze imyaka 50 nta musore wari wamubwira ‘Ndagukunda’

Gladys Lasila ukomoka mu gihugu cya Nigeria, yagaragaje ibyishimo bidasanzwe nyuma yaho aboneye umukunzi avuga ko bagiye kubana ubuzima bwe bwose asigaje ku isi.

Uyu mukobwa w’imyaka 50 usanzwe ari n’icyamamare muri Nigeria, ngo nta mahirwe yari yarigeze mu buzima bwe yo kuba yakundwa n’umusore uwo ari we wese. Ubu akaba yashyingiranwe n’umugabo bigaragara ku maso ko akuze w’umuzungu.

Abicishije ku rukuta rwe rwa Instagram, uyu mukobwa yagize ati “Ni umunezero kuko Imana yampaye igufa mu magufa yanjye kandi inanyongerera umwakuru mu yo narinsanganywe. Ni igitangaza kidasanzwe kuba mbonye umuntu tugiye kubana ubuzima bwanjye bwose nsigaje ku Isi”.

Yakomeje ashimira Imana imukuye mu bwigunge yari amazemo imyaka 50. Ati “Imana Data ndagushimye, ntabwo nzahagarara kugushima ku bw’imbabazi zawe. Ndagushimiye ku bw’uyu munsi washatse ko ubaho. Mfashe akanya nsengera abagore bose kugeza iyi saha bakirindiriye ko umunsi nk’uyu ubaho,…”.

Gladys yashyingiranwe n’umugabo witwa Ian Brown, uyu mukobwa akaba avuga ko uyu mugabo ari cyo kintu cya mbere cy’agaciro Imana imuhaye.

 

Izindi wakunda

Bwiza.com
error: Alert: Ntabwo byemewe!!