bwiza.com
Ahabanza » Zimbabwe: ubukungu bukomeje kuzahara na nyuma y’ubuyobozi bwa Mugabe
Ubukungu

Zimbabwe: ubukungu bukomeje kuzahara na nyuma y’ubuyobozi bwa Mugabe

Mu cyumweru cyashize, igiciro cy’umugati muri Zimbabwe cyikubye kabiri, amafaranga akomeza guta agaciro. Icyo ni kimwe mu byaranze ubutegenzi bw’igihe kirekire bw’uwahoze ari perezida, Robert Mugabe. Cyongeye kugariza icyo gihugu mu gihe kiyobowe n’uwamusimbuye, Emerson Mnangagwa.

Kugeza ubu, umugati wavuye ku mafaranga hafi 1620 RWF(1.80$) ugera ku mafaranga 3150(3.50$).Mnangagwa akimara gufata ubutegetsi yasezeranyije Abanyazimbabwe ko agomba kuzamura ubukungu bwari bumaze igihe butifashe neza nyuma y’imyaka 37 y’Ubuyobozi bwa Mugabe.
Nyuma y’uko banki nkuru y’Igihugu yashyizeho ifaranga rishya muri Gashyantare,ibiciro by’ibicuruzwa na se rivisi byazamutse ku buryo butigeze kubaho mu myaka icumi yashize.

Bitewe n’uko ubusazwe muri Zimbabwe hashize igihe hakoresha amadorali y’Amerika, Kubera ishyirwaho ry’amadorali mashya yiswe RTGS, ryatumye amadorali y’Amerika abura. Ibyo byatewe na gahunda ya leta igamije ko abaturage bakoresha ifaranga ryabo. Ubu Kubera ubuke, abashaka amadorali bafite amanyazimbawe bayabona hiyongereyeho 300%; ibintu binyuranye cyane n’ibiciro byemewe.

Iyi nkuru dukesha Ibiro ntaramakuru by’Ubufaransa,AFP, ikomeza ivuga ko uhagarariye akanama mpuzamashyirahamwe kita ku bucuruzi muri Zimbabwe,Moyo Japhet, avuga ko hari umugabo bahuye ubu wishyura umushahara we wose kugira ngo abashe kwivuza.

Ati”Uwo mugabo arwaye indwara idakira.Muri Gashyantare imiti yakoresheje ukwezi kose yishyuye 90$ hafi ibihumbi 81000FRW. Muri uku kwezi yishyuye 300$ asaga ibihumbi 270000 by’amanyarwanda. Akorera umushahara ungana n’ibihumbi 288000 (320$).Yishura hafi umushahara we wose kugira ngo abashe kwivuza.”

Moyo yongeyeho ko amubajijwe uko abigenza kugira ngo yishyure ibindi bintu akenera ku kwezi, uwo mugabo yaturitse akarira. Uyu muyobozi ntashimishijwe n’ukuntu Leta yiyambika uruhu rw’intama ikabeshya abaturage ko irimo kuzahura ubungu kandi binyuranye n’ukuri.

Bizumuremyi Patrick @bwiza.com

Izindi wakunda

Bwiza.com
error: Alert: Ntabwo byemewe!!