bwiza.com
Ahabanza » Yitambitse ishyingurwa ry’umuhungu we birangira nawe yishwe n’abari bamutabaye
Amakuru Utuntu n'utundi

Yitambitse ishyingurwa ry’umuhungu we birangira nawe yishwe n’abari bamutabaye

Umwanditsi w’Urukiko rwa Murang’a mu gihugu cya Kenya, kuri uyu wa Gatanu ushize yahitanywe n’inkongi y’umuriro yatejwe ku bwende mu nzu ye nyuma yo kwitambika ishyingurwa ry’umuhungu we bivugwa ko yari yiyahuye.

Biravugwa ko Daniel Macharia, umuhungu wa Stanley Kanyoro, yiyahuye kuwa kane ushize, itariki 18 Mata kubera ibibazo byo mu rugo. Ibi bikaba byarabereye mu giturage cya Gitumbi mu karere ka Kirinyanga.

Se w’uyu musore, yahise arahira ko atazemera ko uyu muhungu we ashyingurwa mu itongo rye kuko yari yaratandukanye na nyina mu myaka myinshi ishize.

Abari bitabiriye gushyingura, bari bateraniye ku rugo rwa nyina wa Kanyoro, nawe witabye Imana, barimo gutegura uko bashyingura Macharia ubwo se byamugeragaho.

Mu kubyumva, ngo yihutiye kugera iwabo yitwaje ishoka atangira gutatanya abari bateraniye aho bose abirukana nk’uko ikinyamakuru Nairobi News dukesha iyi nkuru kivuga.

Nyuma yo kubirukana aho, abari bagiye gutabara ngo bahise bisuganya bahindukirana Kanyoro ngo wahise yirukankira mu nzu akikingirana nk’uko byatangajwe na Taziana Wanjiru wabibonaga n’amaso ye.

Amaze kugera mu nzu no kwikingirana yumva nta wamugeraho, Kanyoro ngo yakomeje gutuka abo bari bamutabaye bagiye gushyingura umuhungu we, bigera aho barakara bigira inama yo kumusohora munzu ari muzima cyangwa ari umupfu.

Ubwo ngo nibwo bakoze igisasu muri peteroli barangije bakijugunya mu nzu Kanyoro yari yifungiraniyemo kirasandara inzu ihita ifatwa n’inkongi y’umuriro ku buryo abashinzwe kuzimya bahageze umugabo yamaze gushya yakongotse.

Abaturanyi ba Kanyoro bakaba bavuga ko yari yaratandukanye n’umugore we wa mbere akamusigira abana batatu.

 

Izindi wakunda

Bwiza.com
error: Ntibyemewe