bwiza.com
Amakuru Politiki

Burundi/Muyinga: Imbonerakure zafatanye mu mashati n’abarwanashyaka ba Agathon Rwasa

Urubyiruko rubarizwa mu ishyaka CNL rya Visi Perezida w’Inteko Nshingamategeko y’u Burundi, Hon.Agathon Rwasa, bafatanye mu mashati n’urw’ishyaka CNDD-FDD, imirwano ihoshwa na polisi.

Ni imirwano yabereye mu gace ka Rukira, Intara ya Buyinga, aho impande zombi zarebanaga ay’Ingwe biza kurangira bafatanye mu mashatsi mu ijoro ryo ku  Cyumweru tariki ya 21 Mata 2019.

Nk’uko SOS Medias/ Burundi ibitangaza, ngo Imbonerakure zashakaga guta muri yombi abarwanashyaka ba CNL, ishyaka rya Agathon Rwasa, ndetse zitangira no kubakubita nabo bahera ubwo birwanaho, impande zombi zihera ko zirwana.

Polisi ngo niyo yaje guhosha imirwano yari ikaze, ihita ita muri yombi batatu ku ruhande rwa CNL, imwe muri moto izo Mbonerakure zariho irangirika, abaturage bakaba bavuga ko mu gihe abatavuga rumwe na Leta baba badahawe uburenganzira bwabo, amatora yo mu 2020 ashobora kuzarangwa n’akavuyo.

Abaturage bo muri aka gace iyi mirwano yabereyemo bavuga ko ishyaka CNDD-FDD riri ku butegetsi rikomeje kurwanya rishyizeho ingufu abatavuga rumwe na Leta mbere y’uko amatora y’umukuru w’igihugu aba.

 

 

Izindi wakunda

Bwiza.com
error: Alert: Ntabwo byemewe!!