bwiza.com
Ahabanza » Tanzania: Umutoza yasabiye Kagere Meddie igihembo cy’umukinnyi w’umwaka
Imikino

Tanzania: Umutoza yasabiye Kagere Meddie igihembo cy’umukinnyi w’umwaka

Umutoza wa Lipuli FC, Selemani Matola yatangaje ko Kagere Meddie ari we ukwiriye igihembo cy’umukinnyi mwiza wa shampiyona muri uyu mwaka.

Ni nyuma yo kwitwara neza imbere muri shampiyona ya Tanzania (Tanzania Premier League) no hanze y’igihugu mu mikino ya CAF Champions League, afasha ikipe ya Simba SC.

Global Publishers iravuga ko aganira n’ikinyamakuru cyo muri iki gihugu ku wa gatatu, Matola yavuze ko Kagere yujuje ibisabwa kugira ngo ahabwe iki gihembo.

“Kagere akwiriye kuba umukinnyi mwiza w’uyu mwaka muri shampiyona kubera ko yagaragaje urwego rwo hejuru mu mikinire.” Matola.

Matola kandi yavuze ku mikinire ya Kagere n’imyaka afite. Ubu afite imyaka 32 y’amavuko.

“Yabaye umukinnyi utandukanye. Ugereranyije n’imyaka ye yagerageje guhatana n’umwete mwinshi n’ubwo ari mushya muri shampiyona.”

Kagere Meddie yaje muri Simba SC muri uyu mwaka w’imikino, ubwo yari avuye muri Gormahia yo muri Kenya. Ubu amaze gutsinda ibitego 16 muri shampiyona, mu gihe muri CAF Champions League yatsinze ibitego 6 n’ubwo ikipe ye yasezerewe na TP Mazembe.

Izindi wakunda

Bwiza.com