bwiza.com
Ahabanza » Boeing imaze guhomba asaga miliyari 22 z’amadolari uyu mwaka
Amakuru Ubukungu

Boeing imaze guhomba asaga miliyari 22 z’amadolari uyu mwaka

Sosiyete y’inyamerika ikora indege, Boeing yatangaje kuri uyu wa 24 ko imaze guhomba asaga miliyari 22 z’amadolari y’Amerika nyuma y’impanuka z’indege zayo ebyiri za 737 MAX.

Iyi nkuru dukeshya Ijwi ry’Amerika, ivuga ko iki gihombo cyaturutse ku masezerano yo kugurisha indege iyi sosiyete yasheshe n’ibigo bitandukanye nyuma yo gutakarizwa ikizere. Ibi byatumye igira igihombo cya miliyari 22.9($ 22,500,000,000) kugeza ubu. Ni mu gihe mu mwaka w’2018, mu gihe nk’iki yari imaze kunguka asaga miliyari ebyiri z’amadolari y’Amerika.

Ijwi ry’Amerika irakomeza ivuga ko iperereza ryakorewe mu Bufaransa ryagaragaje ko izi ndege zombi zakoze impanuka, zari zifite byinshi zihuriyeho.

Impanuka z’indege zo mu bwoko bwa 737 MAX zabaye impamvu ikomeye y’iki gihombo harimo iyabereye muri Indonesia, yatwaye ubuzima bw’abantu 189 mu Kwakira, 2018. Indi ni iyabereye muri Ethiopia muri Weurwe, 2019, yatwaye ubuzima bw’abantu 157.

Ibi byatumye ibihugu byinshi bibuza izi ndege kugendera mu kirere cyabyo, ibindi ntibyongera kuzikoresha mu ngendo, ibigo bitandukanye bihagarika gahunda yo kuzigura.

Ikigo cy’Amerika gishinzwe ingendo zo mu kirere, US Federal Aviation Administration(FAA) cyahagaritse ikoreshwa ry’izi ndege mu gihugu mu gihe hakorwaga iperereza ku mpamvu zateye izi mpanuka. Ubu butumwa bwakurikiye ubwa Donald Trump na we wari wahagaritse izi ndege muri iki gihugu.

Umuryango w’Ubumwe bw’Uburayi, Nigeria, Ubwongereza, Ubushinwa, Ubuhinde, Canada, Singapore, Australia, Turkiya, Ubufaransa, Ubudage, Ireland, Koreya y’Epfo, Mongolia, Indonesia, Malaysia, Oman, UAE, Ehiopia, Norvege, Argentine,… byahagaritse izi ndege mu gihe ikibazo cyateye impanuka kitarakemuka.

Umukuru w’igihugu cya Leta Zunze Ubumwe z’Amerika, Donald Trump asa n’ukina, yatangaje ko aramutse ari Boeing yakemura iki kibazo.

“Icyo nzi mu bijyanye no kwita amazina ni hafi ya ntacyo(ariko ubu ndi Perezida), ariko ndamutse ndi Boeing nakemura ibibazo bya 737 MAX, nkongeramo ubundi bushobozi, namara nkazihindurira n’izina.”

Izindi wakunda

Bwiza.com
error: Alert: Ntabwo byemewe!!