bwiza.com
Ahabanza » Nakundaga Zari ariko sinigeze mba mu rukundo na we- Diamond
Imyidagaduro

Nakundaga Zari ariko sinigeze mba mu rukundo na we- Diamond

Umuhanzi Diamond Platnumz atangaza ko yakundaga Zari babyaranye abana babiri ariko ko atigeze aba mu rukundo n’uyu mugore.

Diamond na Zari batandukanye ku mugaragaro kuwa 14 Gashyantare 2018. Icyo gihe Zari yashinjaga uyu mugabo kumuca inyuma ariko benshi bagakomeza kwibaza impamvu yabyo bagashoberwa.

Diamond aherutse gutangariza Wasafi Radiyo yo muri Tanzania ko Zari yamucaga inyuma akaryamana na Peter wo muri P-Square ndetse n’umugabo wari ushinzwe kumufasha ibijyanye n’imyitozo ngororamubiri.

Avuga ko abonye gihamya y’ibyo avuga yifashishije ubutumwa bugufi yabonye muri telefoni ya Zari. Avuga ko ibi byabaga kenshi igihe yabaga adahari.

Muri iki kiganiro kandi Diamond yavuze ko yakundaga Zari ariko ko uyu mugore atamukundaga.

Ati “Nakundaga Zari ariko sinigeze mba mu rukundo na we. Naramukundaga ariko we ntiyankundaga.”

Ku ruhande rwa Zari, abinyujije ku rukuta rwe rwa instagram yavuze ko ibyo Diamond avuga ari ibinyoma kuko ngo atigeze amuca inyuma.

Ghafla

 

 

 

 

Izindi wakunda

Bwiza.com