bwiza.com
Ahabanza » U Rwanda rwahakanye ko ruzambura ubwenegihugu Abanyarwanda bacururiza muri Uganda bazanga gutaha mu minsi 10
Amakuru mashya

U Rwanda rwahakanye ko ruzambura ubwenegihugu Abanyarwanda bacururiza muri Uganda bazanga gutaha mu minsi 10

Umunyamabanga wa Leta muri Minisiteri y’Ububanyi n’Amahanga Ushinzwe Umuryango wa Afurika y’Iburasirazuba, Amb. Olivier Nduhungirehe yahakanye ko u Rwanda ruzambura ubwenegihugu Abanyarwanda bacururiza muri Uganda bazanga kuva muri iki gihugu mu gihe cy’iminsi icumi.

Ikinyamakuru PM Daily kuwa 21 Mata 2019 cyatangaje ko u Rwanda rwasabye abaturage b’Abanyarwanda bakorera ubucuruzi hafi n’umupaka kuzinga utwabo bagataha mu gihe cy’iminsi 10 bitaba ibyo bakamburwa ubwenegihugu bwabo.

Mu kiganiro na Bwiza.com kuri telefoni,  Amb. Olivier Nduhungirehe yavuze ko aya makuru ari ibinyoma.

Yagize ati “  Ayo makuru si yo (Fake News). Nta Munyarwanda wakwamburwa uburenganzira bwe bwo kugira ubwenegihugu kuko abuhabwa n’Itegeko nshinga.”

Ibindi bikubiye mu makuru u Rwanda twateye utwatsi

Aya makuru yatewe utwatsi n’u Rwanda avuga ko Abanyarwanda benshi kuwa 20 Mata bagaragaye bazinga utwabo kugira ngo batahe. Aba batangaje ko ngo basubiye iwabo kuko bazajya bacuruza badasora kandi ko aho gukorera ibikorwa byabo by’ubucuruzi hatabuze.

Umuyobozi w’agace kegereye umupaka wa Katuna, Jeninah Kyobusingye yatangaje yabonye Abanyarwanda 20 bashyira hamwe utwabo ngo batahe.

Yagize ati “ Abari gusubira mu Rwanda batubwiye ko bahawe iminsi 10 yo kuba bageze mu Rwanda akaba ari ho bakorera ubucuruzi bwabo cyangwa bakamburwa ubwenegihugu. Bavuga ko nta misoro bazasabwa ku bicuruzwa bazinjirana mu Rwanda. Kuwa Gatandatu amakamyo  asaga atandatu yinjiye mu Rwanda muri iyi gahunda.”

Aya makuru kandi yemezwa n’Umuyobozi w’Abacuruzi mu gace k’umupaka wa Kyanika, Nombe Barore Geoffrey wavuze ko ari uko biri.

Ibi byose u Rwanda rurabihakana rukavuga ko aya makuru atari impamo.

 

 

 

Izindi wakunda

Bwiza.com
error: Ntibyemewe