bwiza.com
Ahabanza » Zahabu nyinshi ziva muri Afurika zigurishwa mu buryo bwa magendu
Amakuru Ubukungu

Zahabu nyinshi ziva muri Afurika zigurishwa mu buryo bwa magendu

A pile of nice shiny gold bars

Mu busesenguzi ibiro ntaramakuru by’Abongereza, Reuters, byakoze; byasanze zahabu ifite agaciro ka miliyari z’amanyamerika igurishwa muri Leta Zunze Ubumwe z’Abarabu(UAE) mu buryo butemewe.

Reuters yatangaje ku wa gatatu ko imibare ya gasutamo igararagaza ko mu 2016, UAE zinjije toni 446 za zahabu, zifite agaciro ka miliyari zisaga 15 z’amadorali y’Amerika, mu gihe mu 2006; zari zinjije miliyari 1.3 kuri toni 67.

Umujyanama ku iterambere ry’inganda mu Muryango w’Afurika Yunze Ubumwe, Frank Mugenyi yavuze ko hari zahabu nyinshi iva muri Afurika itanditswe ko igiye.

Reuters irakomeza ivuga ko zahabu nyinshi itaziwe ingano iva kuri uyu mugabane nta musoro yishyuriwe. Kompanyi zikomeye na zo zemeza ko zitohereza zahabu muri iki gihugu giherereye muri Aziya. Ikigaragara ni uko hari abandi bantu bakomeye baba bihishe inyuma y’ubu bucuruzi.

Izi zahabu ziva ku bacukuzi bazigurisha abandi bantu, na bo bakazijyana ku nkombe z’Afurika, zikambutswa amazi magari.

UAE, igihugu kiri mu bifite isoko rinini rya zahabu, cyane mu murwa wa Dubai, kivuga ko mu 2016 cyakiriye zahabu zituruka mu bihugu 46 by’Afurika; 25 muri byo ntibivuga ingano ya zahabu byohereje.

Amakuru ava mu Muryango w’Abibumbye agaragaza ko mu 2015, Ubushinwa nk’igihugu kizwiho kugura zahabu cyane; ari cyo cyinjije zahabu nyinshi ariko mu 2016, UAE zaguze hafi inshuro ebyiri za zahabu Ubushinwa bwaguze. UAE zabaye iza mbere, Ubushinwa ubwa kabiri, Ubusuwisi buzitunganya, buza ari ubwa gatatu.

Izindi wakunda

Bwiza.com
error: Alert: Ntabwo byemewe!!