bwiza.com
Ahabanza » Alain Muku yasohoye indirimbo akeburamo abashakanye n’abafite abakunzi- Video
Amakuru Imyidagaduro

Alain Muku yasohoye indirimbo akeburamo abashakanye n’abafite abakunzi- Video

Umuhanzi Alain Mukurarinda (Alain Muku) yamaze gushyira hanze indirimbo y’amajwi n’amashusho yise ‘Tona Tona’, akaba yemeza ko yayisohoye mu rwego rwo gukebura abashakanye ndetse n’abafite abakunzi kujya babatetesha.

Mu kiganiro yagiranye na Bwiza.com, Alain Muku yavuze ko nyuma y’imyaka itandatu asa n’uri ku ruhande mu muziki, yayisemo kugarukana indirimbo ivuga ku rukundo.

Ati“ Naherukaga gukora indirimbo nshya mu myaka itandatu ishize , naho incamake kuri iyi ndirimbo, nifuje gusubira mu buhanzi no mu nganzo mpereye ku rukundo ariko rwihariye! Ni urukundo umugabo agomba umugore we, ni urukundo abafite abakunzi bagomba guha abakunzi babo, umugabo agomba kubaha umugore we, akamutonesha agashisha yumva pe.”

Mukurarinda kandi yavuze ko  n’ubwo yari amaze iminsi agaragara mu ibijyanye no gufasha abandi bahanzi , nk’ibisanzwe ngo ujya gutera uburezi arabwibanza, ati “ Nafasha abandi se nkiyibagirwa? ”.

Akomeza avuga ko n’ubwo amaze igihe kirekire  adashyira indirimbo ze ku giti cye hanze, hari indirimbo eshanu nshya ziri gukorwa muri studio, nazo zizaza zikurikiye Tona Tona harimo eshatu zikoze mu njyana nyarwanda.

Mukurarinda yabajijwe niba ibyo akangurira abandi bagabo na we ajya abikorera umugore we, yasubije agira ati: “ Urukundo mu bantu ntacyaruruta ariko abantu tujya tubyibagirwa, abagabo tukibagirwa gutonesha abafasha bacu, aba Mama b’abana bacu ni ngombwa rero kubyibutsa kandi tugahozaho. Nk’ubu tuba mu mahanga ndaguha ingero ebyiri, akazi kose ko mu rugo,  akazi kose karebana n’abana narabyikubiye kugira ngo yisanzure mu kazi ke nta mususu, ibindi ni ibanga ryanjye na we.”

Alain Mukuralinda ni umuhanzi umaze imyaka 29 mu muziki, afite indirimbo zirenga 50 , urwibutso yifitiye mu muziki ni igihe batangiraga gukora live! “byari byiza pe”. Kuri ubu we n’umuryango batuye mu gihugu cya Cote d’ivoir ku mpamvu z’akazi.

 

 

Izindi wakunda

1 Igitekerezo

Rebero Jeremy 27/04/2019 5:07 pm at 5:07 pm

Indilimbo nziza cyane!!!! Iyo imyambarire iba iya kinyarwada byari kuba mahwi pe. Gusa nagize akandi kabazo: Uyu Mukuralinda Alain ni umwe n’uwahoze ari umushinjacyaha wariwarahindutse umushinjabinyoma? Cyanga n’undi bitiranywa yuko undi we yahise ahinduka Mukurayiba? Muzambwire ejo ntazagira uwo nyitura akababara yuko nta cyiza cyava mu kibi!

Subiza

Tanga Igitekerezo

Bwiza.com
error: Alert: Ntabwo byemewe!!