bwiza.com
Ahabanza » Peter Okoye yunze mu rya Zari yita Diamond ikigoryi
Imyidagaduro

Peter Okoye yunze mu rya Zari yita Diamond ikigoryi

Umuhanzi wo muri Nijeriya, Peter Okoye yahakanye ibyavuzwe na Diamond ko yaryamanye n’uwari umugore we, Zari Hassan avuga ko ibi byaba ari ubugoryi.

Aganira na Radiyo Cool FM, Peter yavuze ko Diamond adashyira mu gaciro kugeza aho yihandagaza akamushinja kuryamana na Zari.

Ati “  Mbabwije ukuri sinzi ibyo Diamond na Zari barimo kuvuga. Ntacyo mvuga nta n’icyo nteze kuvuga. Mu by’ukuri ni ubugoryi kuvuga ibyo yavuze.”

Peter yavuze ko nta byinshi yavuga ku magambo ya Diamond kuko byamutesha igihe kandi ahugiye mu bikorwa byo kwamamaza indirimbo ye “One More Night yafatanyije na Niniola.

Amagambo ye aje mu gihe Zari yateraga utwatsi ibyavuzwe na Diamond na we yavuze ko Diamond n’uwo bakundanye muri iki gihe ari “ Ibigoryi bibiri.”

N’ubwo Peter yamaze gutera utwatsi ibyavuzwe, hari undi wari ushinzwe iby’imyitozo ngororamubiri ya Zari na we watunzwe agatoki ko yaryamanye na Zari.

 

 

Izindi wakunda

Bwiza.com