bwiza.com
Amakuru IBITEKEREZO

Imana nta dini igira- Gandhi

Gandhi Intwari y'Abahindi

Gandhi yari umugabo ukomoka mu Buhinde wabayeho mu mpera z’ikinyejana cya 18-19 waharaniye akanageza igihugu cye ku bwigenge bigobotora ubutegetsi bwa gikoloni bw’abongereza hakoreshejwe inzira y’amahoro.

Ibi ni mu gihe ahandi mu bihugu byinshi byari byugarijwe n’ingoma z’ubukoloni, abaturage bakoreshaga inzira y’imyivumbagatanyo n’ibindi bikorwa bikaze birimo ndetse intambara kugira ngo bibone ubwigenge.

Uburyo bw inzira y’amahoro Gandhi yakoresheje bukaba butari bumenyerewe muri icyo gihe ariko yageze ku ntego ye abaturage bo mu bindi bihugu batangira kwigana iyo nzira kuko yari ihendutse isaba ubushobozi buke n’ibikoresho bike.

Kutumvira no kutubahiriza amategeko y’abakoloni niyo ntwaro ikomeye yakoreshwaga muri iyo nzira. Abaturage babiguyemo ntibabura ariko babaye bake ugereranije n’abagiye bahangana bakoresha ibikorwa by’imbaraga n’imyivumbagatanyo, intambara n’ubundi buryo bukaze.

Aha byumvikane ko Gandhi yakoresheje amagambo umuntu yagereranye mu mvugo ya none ” igipindi”!

Imana nta dini igira.

Gandhi atera igipindi abaturage be wakeka ko yashakaga kunegura ko Imana itemera ntibe inashyigikira abasengera mu idini runaka, ahubwo birashoboka ko mu buhindi abaturage bagenderaga ku myemerere itandukanye. Iyo myemerere ishingiye ku idini yashoboraga kubatandukanya bagasubiranamo cyangwa barashyamiranaga bityo bikaba byabuza gushyira hamwe bikaba byabatera gutsindwa no kutagera ku ntego yabo.

Kuvuga ko Imana nta dini igira bwari ubutumwa buhamagarira abantu kwirinda irondadini cyangwa irondamyemerere, ubutumwa busaba gushyira mu gaciro, gushyira hamwe no kwirinda ikibatandukanya. Gandhi yashakaga ko abaturage be bumva ko, uko baba bemera kose Imana ibumva kuko amasengesho aturutse mu nzira zitandukanye agera ku Mana kandi ikayumva.

Ni irihe somo umuntu yakura muri iri jambo rya Gandhi

Gutandukana no gusubiranamo bishingiye ku myemerere ishingiye ku idini runaka n’inzira iganisha ku gutsindwa. Usibye n’ibyo by’idini, ibitandukanya abantu, umuryango w’abantu, ibitera umwirryane no gusubiranamo bibangamira abantu kugera ku ntego biyemeje.

Tugiye mu mateka ya bugufi cyane mu mitwe ya gisirikari cyangwa iya politiki aho bagiye basubiranamo byagiye bituma habaho gutsindwa. Niyo mpamvu iyo uwo muhanganye ashobora kubacamo ibice aba yabashoboye kuko agutegeka uko yishakiye bityo akabuza abantu kugera ku ntego. Ntimwibuka uko byagendekeye inyenzi mu Rwanda? CNDP na M23 muri Congo? Muri Sudani y’Epfo uko Salva Kiir na visi perezida we RM bashwanye? FRODEBU, UPRONA mu Burundi uko bacitsemo ibice? n’ahandi tutarondora.

Ubundi idini ryigisha abantu gushyira hamwe no kwirinda ibibatandukanya. Iyo niyo ntego y’Imana! Satani we akunda intambara, umwiryane, abasubiranyemo, n’abicana. Akunda byacitse kandi gutsindwa kuri we biramushimisha.

Niduharanire kurwanya ibintu bitubuza kudashyira hamwe kuko ibidutandukanya bitubera imbogamizi zitubuza kugera ku ntego nziza twiyemeje. Umuririmbyi umwe niwe wavuze ngo ” abishyize hamwe nta kibananira” umufaransa nawe ati ” L’ union fait la force”.

Tuzakomeza ubutaha na Gandhi

 

 

 

 

Izindi wakunda

2 Ibitekerezo

Baho nk’uzapfa ejo, wige kubaho nk‘uzabaho iteka ryose- Gandhi - bwiza.com 04/05/2019 11:49 am at 11:49 am

[…] Imana nta dini igira- Gandhi […]

Subiza
Baho nk’uzapfa ejo, wige kubaho nk‘uzabaho iteka ryose- Gandhi - Bwiza 22/05/2019 6:41 pm at 6:41 pm

[…] Imana nta dini igira- Gandhi […]

Subiza

Tanga Igitekerezo

Bwiza.com
error: Alert: Ntabwo byemewe!!