bwiza.com
Ahabanza » Tanzania: Impunzi y’Umurundi yishwe itemeshejwe umuhoro
Amakuru Politiki

Tanzania: Impunzi y’Umurundi yishwe itemeshejwe umuhoro

Impunzi y’Umurundi yari mu nkambi y’impunzi ya Nduta muri Tanzania yishwe mu mpera z’icyumweru gishize itemeshejwe umuhoro n’abantu bataramenyekana.

Bitangazwa ko uyu mugabo yishwe ubwo yafataga icyemezo cyo kujya kwishakira inkwi zo guteka mu ishyamba yanga ko hajyayo umugore we ngo afatirweyo ku ngufu.

Ikinyamakuru cya Radiyo RPA dukesha iyi nkuru gitangaza ko uwishwe yari atuye muri Village ya cyenda, zone ya Kane mu Nkambi ya Nduta. Uyu mugabo ngo akaba yariciwe hafi y’iwe ubwo yatahaga yikoreye inkwi.

Avuga iby’urupfu rwe, uyu yagize ati “Yari yagiye gushaka inkwi zo gucana, ubwo yari mu nzira ataha, yaguye mu gico cy’amabandi b’abanye Tanzaniya[..], abo batanzania baramukubise mbere y’uko bamutema bakoresheje umuhoro”.

Polisi ngo niyo yajyanye umurambo w’uwo mugabo mu nkambi mbere y’uko ushyingurwa. Impunzi z’Abarundi ziri muri iyi nkambi zikaba zisaba ko hakorwa iprereza ku by’urupfu rw’uyu mugabo usize umugore n’abana batatu.

 

Izindi wakunda

Bwiza.com
error: Alert: Ntabwo byemewe!!