bwiza.com
Ahabanza » Australia: Habonetse inzoka ifite amaso atatu
Amakuru Utuntu n'utundi

Australia: Habonetse inzoka ifite amaso atatu

Abashinzwe kubungabunga ubuzima bw’inyamaswa mu Majyaruguru y’igihugu cya Australia, batangaje babonye inzoka ifite amaso atatu n’umutwe umwe.

Ni inzoka yiswe Monty Python, yabonwe ikurura inda mu muhanda wa kaburimbo, mu bilometero 40 uvuye mu Burasirazuba bw’Amajyepfo y’Umujyi wa Darwin,  ni inzoka yari ikiri nto, kuko yari ifite uburebure bwa cm 40.

Nk’uko ikinyamakuru Times Now kibitangaza, ngo iyi nzoka yabonwe muri Werurwe uyu mwaka ariko nyuma y’icyumweru ihita ipfa kubera kunanirwa kurya.

Iki kigo cyo muri Australia gishinzwe inyamaswa,  cyatangaje ko cyabonye inzoka ifite amaso atatu ku rukuta rwacyo rwa Facebook, mu gihe gito ngo ubwo butumwa bwari buri kumwe n’ifoto y’umutwe wayo, bwasangijwe (Share) inshuro zisaga ibihumbi 13 mu gihe gito.

Iki kinyamakuru gitangaza ko amaso atatu y’iyi nzoka yose akora. Inzobere mu by’ubuzima bw’inyamaswa Prof Bryan Fry, avuga ko iyi ari inzoka ya kabiri ifite amaso atatu abonye kuva yavuka, gusa ngo iya mbere yabonye yo yari ifite imitwe ibiri n’amaso atatu, mu gihe iyi ifite umutwe umwe.

 

 

Izindi wakunda

Bwiza.com
error: Alert: Ntabwo byemewe!!