bwiza.com
Amakuru Politiki

Major [Sankara] utarigeze aba umusirikare na rimwe mu buzima bwe ateye amatsiko- Ingabire Immaculée

Benshi barimo impirimbanyi mu kurwanya ruswa n’akarengane akaba n’Umuyobozi wa Transparence International Rwanda, Ingabire Marie Immaculée, bavuga ko bafite amatsiko yo kureba Nsabimana Callixte uzwi cyane ku izina rya Sankara, wigambaga ko yafashe Nyungwe.

Mu byifuzo yahuriyeho na bamwe mu bamukurikira ku rukuta rwe rwa Twitter, Ingabire Immacuée yagize ati “Major utarigeze aba umusirikare na rimwe mu buzima bwe ateye amatsiko byo. Nanjye sinareka kujya kureba. Nanjye mfite amatsiko yo kuzamwumva mu rukiko uko azaba avuga. Ivogonyo rye weeee.”

Nuwagaba we ati “Major rwose, ariko nanjye nasiba akazi nkajya kumureba, ni ukuri”. Icyifuzo cya Musana, ati “Urubanza rwe, bazarushyire kuri sitade Amahoro, tujye kureba uwo mu afande”.

Mu itangazo uru rwego RIB rwashyize hanze kuri uyu wa Kabiri tariki ya 30 Mata 2019, rwemeje ko rufunze Sankara, ndetse ko rwiteguye kumushyikiriza inkiko vuba.

Sankara yitangarije mu binyamakuru ko ari umuvugizi w’inyeshyamba za FLN zirwanya Leta y’u Rwanda, by’umwihariko ko zifite ibirindiro mu gice cy’Amajyaruguru y’ishyamba rya Nyungwe, anashimangira ko baryigaruriye, akigamba n’ibitero izi nyeshyamba zagabye mu Rwanda.

Sankara wari majoro mu nyeshyamba za FNL, ubu akaba ategerejwe na benshi mu rukiko ngo bamubone, dore ko hari n’abifuza ko yazaburanishirizwa mu ruhame.

Sankara ari mu Rwanda, yari amaze iminsi ashakishwa n’ubutabera  kubera ibyaha bitandukanye aregwa byakorewe ku butaka bw’uRwanda birimo: Kurema umutwe witwara gisirikare utemewe,  gushishikariza no gutanga amabwiriza yo gukora ibikorwa by’iterabwoba, ubwicanyi, gushimuta no gufata bugwate abantu, ubujura bwitwaje intwaro no gusahura. Dosiye ye irashyikirizwa Ubushinjacyaha nkuko biteganwa n’amategeko”.

Izindi wakunda

Bwiza.com