bwiza.com
Ahabanza » Baho nk’uzapfa ejo, wige kubaho nk‘uzabaho iteka ryose- Gandhi
Amakuru IBYEGERANYO

Baho nk’uzapfa ejo, wige kubaho nk‘uzabaho iteka ryose- Gandhi

Mu nkuru zimaze iminsi zisohorwa na Bwiza.com, twagiye tubagezaho amwe mu magambo yuje ubwenge yavuzwe na Gandhi, umuhinde waharaniye ubwigenge bw’igihugu cye bakigobotora ingoma ya gikoloni y’abongereza. Ayo magambo yagiye ayageza ku baturage mu mbwirwaruhame ze mu bihe bitandukanye mu rugamba barimo rw’amahoro bitarimo intambara n’ihohotera ry’ikiremwamuntu.

Jya ubaho nk’uzapfa ejo, gusa wige nk’uzabaho iteka ryose

Nubwo ntawari mu mutima we ngo umuntu amenye icyo yaragendereye kuvuga, aya magambo umuntu ntiyabura gutekereza ko umuntu agomba guhora yiteguye urupfu niyo rwaba rutunguranye. Kwitegura bishobora gusobanura byinshi.

Kubera ko nyuma y’urupfu hari ubundi buzima bw’uburyo bubiri abemera Imana bavuga ko ari paradiso na gehonomu, buri wese iyo azajya ni nawe uzabyitegurira. Gandhi we rero nkeka ko yahamagariraga abayoboke be kwitegura urupfu no guharanira kuzajya aheza kandi bakazahaba iteka ryose.

Mahatma Gandhi

Ni irihe somo umuntu yakura muri iri jambo rya Gandhi

Iyo umuntu yiteguye ubusanzwe ntatungurwa, niyo kandi atunguwe yirwanaho kigabo akarokoka cyangwa agapfa. Watungurwa utatungurwa igikuru ni ugusiga nkuru ki imusozi, ese uzapfa abantu basigare bakuvuma bati turamukize, yari yaraturembeje, yaraduhohoteraga, yaratwamburaga, yaradusuzuguraga, yaratugambaniraga, yaratwiciraga, n’ibindi byinshi bibi nk’ibyo?

Waba se nyuma yo gupfa kwawe abasigaye bazajya bibuka ineza n’ibikorwa byiza wabagiriraga?

Ibice byombi by’abo bantu, bose ibyo bakoze bizabaherekeza, ibibi cyangwa ibyiza maze bageeeende kugera ikuzimu ahari umuriro utazima abandi bajye guhemberwa ibikorwa byiza bakoze babane n’Imana iteka ryose.

Kuri ibyo rero itegure nawe nk uzapfa ejo kandi wige kuzabaho iteka ryose!

Izindi nkuru zatambutse

Imana nta dini igira- Gandhi

Kunanirwa kwihangana ni ko gutsindwa intambara- Gandhi

Umunyantege nke ntashobora kubabarira, imbabazi ni umwihariko w’abanyembaraga- Gandhi

Ijisho riramutse rihorewe irindi, abatuye isi bose bakwisanga ari impumyi- Amwe mu magambo Gandhi yasize avuze

 

Izindi wakunda

Bwiza.com
error: Ntibyemewe