bwiza.com
Ahabanza » Mohamed Salah ntazakina umukino uzahuza Liverpool na FC Barcelone
Amakuru Imikino

Mohamed Salah ntazakina umukino uzahuza Liverpool na FC Barcelone

Rutahizamu w’ikipe ya Liverpool, Mohamed Saleh ntabwo azagaragara mu mukino wa ½ wa shampiyona y’amakipe yabaye aya mbere iwayo (Champions League) ku mugabane w’u Burayi, bitewe n’imvune yagize.

Ni umukino uzaba ku wa Kabiri tariki ya 7 Gicurasi 2019, saa tatu z’ijoro (21:00), uyu mukinnyi ukomoka muri Misiri akaba yaravunikiye mu mukino wo ku wa Gatandatu w’icyumweru gishize Liverpool yatsindiyemo ikipe ya Newcastle, ibitego 3-2, bakina imikino ya shampiyona yo mu Bwongereza.

Umutoza wa Liverpool, Jürgen Klopp aganira n’itangazamakuru, yagize ati “ Salah ntabwo azakina umukino wa ½ ku wa Kabiri. Azaruhuka, ariko ntabwo azakina ejo”.

Umutoza Klopp ntabwo yigeze atangaza niba Salah atazanagaragara mu mikino iyi kipe ifite ku Cyumweru wa shampiyona yo mu Bwongereza, aho bazaba bacakirana na Wolverhampton i Anfield, saa kumi z’umugoroba.

Mu mukino ubanza, ikipe ya FC Barcelone yari yatsinze Liverpool ibitego bitatu ku busa.

 

Izindi wakunda

Bwiza.com