bwiza.com
Ahabanza » Nari gusoma Nick Canon iyo aza kumpa amahirwe- Miss Anita Fabiola
Amakuru Imyidagaduro

Nari gusoma Nick Canon iyo aza kumpa amahirwe- Miss Anita Fabiola

Miss Anita Fabiola wo muri Uganda, avuga ko iyo aza guhabwa amahirwe n’icyamamare Nick Canon cyo muri Leta Zunze Ubumwe, yari kugisoma.

Nick Canon yagaragaye mu gihugu cya Uganda mu cyumweru gishize aho yagiye abonana n’ibyamamare bitandukanye byaho birimo na Lt Gen Muhoozi Kainerugaba, umuhungu w’imfura wa Perezida Museveni.

Miss Fabiola wamaranye n’iki cyamamare igihe cy’iminota 10, yaje gutangaza ko yumvaga yamusoma ariko ko atigeze ahabwa ayo mahirwe. Yagize ati “ Igihe cy’iminota 10 ntabwo cyari gihagije, numvaga nshaka kumarana na we igihe kirekire”.

Ubwo yabazwaga niba yari kuba yanamusoma mu gihe bari kumwe, Fabiola yasubije agira ati “Yego, nari kubikora iyo aza kumpa ayo mahirwe”.

Mu kiganir yagiranye na Capital FM, Canon wahoze ari umugabo wa Mariah Carey, yavuze ko nta bushake bwo kubana cyangwa kugirana ubundi bucuti n’umukobwa w’umunya Uganda afite, ndetse ko abakobwa benshi cyane cyane bakora mu itangazamakuru bagiye bamwimenyekanishaho.

Canon w’imyaka 38 y’amavuko ni umunyeshuri  muri Howard University, ku wa Gatatu w’icyumweru gishize nibwo yasuye ibigo by’amashuri bitandukanye byo muri Uganda, ku wa Kane yasuye isoko y’uruzi rwa Nile i Jinja. Uyu muhanzi yahavuye avuze ko yishimiye Uganda ndetse ko azongera kuhagirira uruzinduko mu kwezi kwa Gatandatu.

Yagize ati “Bwa mbere nageze muri Afurika nsuye igihugu cya Marroco, Nigeria na Afurika y’Epfo ariko Uganda ni ntagereranywa ku birebana n’ubwiza bw’ibidukikije birimo imisozi, ibibaya,amashyamba,… nzashishikariza n’ibindi byamamare byo muri Amerika gusura Uganda”.

Izindi wakunda

Bwiza.com