bwiza.com
Amakuru Politiki

Amerika irasaba ubufatanye bw’ibihugu birimo u Rwanda mu kurwanya Islamic State muri Congo

Ambasaderi wa Leta Zunze Ubumwe za Amerika muri Repubulika iharanira Demokarasi ya Congo aratangaza ko bari gukurikiranira hafi kandi mu bwitonzi ikibazo cy’umutekano muri iki gihugu mbere yo kwemeza cyangwa ngo anyomoze ko umutwe w’iterabwoba wa Islamic State uri gukorera ku butaka bwacyo, by’umwihariko mu burasirazuba. Uyu akaba asaba ubufatanye bw’ibihugu byo mu karere birimo u Rwanda mu kurwanya uyu mutwe.

Ambasaderi Mike Hammer mu kiganiro na Radio Okapi yagize ati: “Turimo turaperereza ngo tumenye impamvu y’ibiherutse gutangazwa na Daesh(Islamic State). Ariko iyo agatsiko nk’aka gatangiye gutangaza ibintu nka biriya, ntabwo ari ubusa, bifite icyo bivuze.”

Yakomeje agira ati: “Tugomba gushaka kumenya isano iri hagati ya ADF na Daesh. Niyo mpamvu ari ingenzi gushaka ubufatanye mpuzamahanga mu kurwanya aka gatsiko k’iterabwoba.”

Uyu mudipolomate w’Umunyamerika ariko yemeye ko uyu mutwe w’iterabwoba ufite ubushake bwo gushing imizi muri Congo.

Ngo niyo mpamvu hakenewe ubufatanye mpuzamahanga mu kurwanya uyu mutwe atari hagati ya Leta Zunze Ubumwe za Amerika na Congo gusa, ahubwo n’ibindi bihugu byo muri Afurika nk’u Rwanda, Uganda n’u Burundi.

Mu mpera z’ukwezi gushize nibwo Islamic State yigambye igitero cya mbere muri Repubulika iharanira Demokarasi ya Congo ikomoza ku gitero cya ADF, bivugwa ko basigaye bafatanya, ku birindiro by’ingabo za Congo, FARDC.

Izindi wakunda

Bwiza.com
error: Alert: Ntabwo byemewe!!