bwiza.com
Ahabanza » RDC: Abanyururu barimo abashinjwa kwica impuguke 2 za Loni batorotse Gereza ya Kananga
Amakuru Politiki

RDC: Abanyururu barimo abashinjwa kwica impuguke 2 za Loni batorotse Gereza ya Kananga

Jean Bosco Mukanda, Vincent Manga, Bula Bula et Ilunga Lumu, imbere y'urukiko mu mwaka ushize

Amakuru aturuka muri Repubulika iharanira Demokarasi ya Congo aravuga ko mu ijoro ryo kuwa Mbere rishyira kuri uyu wa kabiri, itariki 07 Gicurasi, habayeho gutoroka kwa zimwe mu mfungwa zo muri Gereza Nkuru ya Kanga, muri Kasai yo Hagati. Umubare w’abatorotse nturamenyekana, gusa muri bo harimo abantu bakurikiranweho iyicwa ry’impuguke ebyiri za Loni ziciwe muri Kasai nk’uwitwa Ilunga Lumu.

Iyi nkuru dukesha Radio Okapi iravuga ko uyu Ilunga Lumu ari umwe mu bantu 14 bagejejwe imbere y’urukiko bashinjwa uruhare mu iyicwa ry’impuguke ebyiri za Loni kandi akemera ko yari ahari ubwo Micheal Sharp na Zaida Catalan bicwaga. Uyu yaneretse urukiko aho ubwicanyi bwakorewe.

Micheal Sharp na Zaida Catalan bishwe muri Werurwe 2017

Uyu mugabo kandi nk’uko iyi nkuru ikomeza ivuga, ni nawe wavuze ko uwitwa Jean Bosco Mukanda ari we watanze amabwiriza yo kwica ubwo bari aho icyaha cyakorewe.

Yashimangiye ko uyu Mukanda ari we wamuhaye amabwiriza yo guca mèches zari mu misatsi ya Zaida Catalan nyuma yo kumwica.

Kugeza ubu, biravugwa ko uko byagenze kugirango izo mfungwa zibashe gucika Gereza ya Kananga bitaramenyekana.

 

Izindi wakunda

Bwiza.com
error: Alert: Ntabwo byemewe!!