bwiza.com
Ahabanza » Burundi: Perezida w’ishyaka RANAC ari mu mazi abira
Amakuru Politiki

Burundi: Perezida w’ishyaka RANAC ari mu mazi abira

Perezida w’ishyaka RANAC ritavuga rumwe n’ubutegetsi bwa Perezida Nkurunziza, mu Burundi, biravugwa ko amaze iminsi mu bwihisho atinya kugirirwa nabi.

Nk’uko byatangajwe n’abo mu muryango wa Aloys Baricako, perezida w’ishyaka RANAC riharanira impinduka mu Burundi, ngo uyu arimo gukangishwa gutabwa muri yombi kubera imikoranire yaba afitanye n’ihuriro CNARED ry’abatavuga rumwe n’ubutegetsi bari mu buhungiro.

Umwe mu bantu bamwegereye yagize ati: “Bwana Baricako amaze iminsi abaeho mu bwoba. Abagabo bambaye impuzankano ya gipolisi n’abandi bambaye gisivili bahora hafi y’iwe ngo bamufate. Ntakiryama mu rugo.”

Undi wo muri Biro Politiki ya RANAC avuga ko guverinoma n’abashinzwe umutekano bamushinja kuba yaranze kwitandukanya na CNARED ndetse n’ibitekerezo byayo bya politiki nk’uko iyi nkuru dukesha SOSMediasBurundi ikomeza ivuga.

Uyu yakomeje agira ati: “Guhiga umuntu kwaratangijwe kandi niba nta gikozwe ngo arindwe ashobora gukurwaho.”

 

Izindi wakunda

Bwiza.com
error: Alert: Ntabwo byemewe!!