bwiza.com
Ahabanza » Nyamasheke/ Karambi: Barashimira Perezida Kagame wabegereje ibigo by’imari bagatinyuka inguzanyo
Amakuru Ubukungu

Nyamasheke/ Karambi: Barashimira Perezida Kagame wabegereje ibigo by’imari bagatinyuka inguzanyo

?

Abaturage b’umurenge wa Karambi, mu Karere ka Nyamasheke, bizigamira bakanaka inguzanyo zo kwiteza imbere muri banki n’ibindi bigo by’imari, bavuga ko iterambere bagezeho nyuma y’aho Perezida wa Repubulika Paul Kagame ashyiriyeho imirenge SACCO nta bundi baryigeze, bakavuga ko hari amafaranga menshi mbere bapfushaga ubusa ubu akaba abagirira akamaro.

Baganira na Bwiza.com, bamwe muri bo bavuze ko  kuba barahingaga kawa nyinshi n’ibihingwa ngandurarugo,bakorora cyane cyane ibimasa bitanga amafaranga vuba ariko ntibagire aho bava n’aho bagera mu iterambere byaterwaga  na Leta bakuriyemo zitabafashaga gucunga neza inyungu babonaga kuko nk’ikigo cy’imari cyitwaga ko kibari hafi byabasabaga amasaha  3 ngo bakigereho,  abatega moto na zo zikabahenda kuko nta modoka zahageraga kubera imihanda mibi.

Bavuga ko iterambere bafite ubu rihera muri 2009 batangiye kwegerezwa umurenge SACCO n’ubwo bamwe byabanje kugorana kubyumva.

Nyiragatesi Annonciatha utuye mu mudugudu wa Karambo mu kagari ka Kagarama,  yabwiye Bwiza.com ko kwizigamira byatumye  arihira abana 7 ayisumbuye na kaminuza, bitari gushoboka iyo aza kuba mbere bayabika mu ngo bakayapfusha ubusa.

Ati “Turashimira Nyakubahwa perezida wacu Paul Kagame iterambere n’umutekano yaduhaye byatumye twigeza aho turi ubu. Mfite abana 10, umwe ari muri kaminuza,batatu barangije ayisumbuye, batatu bayarimo n’abandi 3 biga  abanza kandi ndi umuhinzi,umugabo twafatanyaga uwo mwuga aho dutangiriye kugana SACCO yatangiye ubucuruzi. Ntibyari kunyorohera kurihira aba bana bose ayisumbuye na kaminuza nta kigo cy’imari dukorana”.

Yavuye ku igare, ubu agendera kuri moto

Ndahimana Jean Bosco watangiye kugana ikigo cy’imari agendera ku kagare gashaje ubu akaba afite moto nshya yinjiza amutungira umuryango na we,  ati’’ Navuye ku igare inguzanyo ya mbere nyigura moto ishaje y’amafaranga 500.000 mfata indi ngura  iy’amafaranga 900.000,ubu mfite inshyashya naguze hafi 1.500.000, ku myaka 37 gusa mfite, aho mvuye n’aho ngeze mu myaka 10 gusa maze ntandukanye no kwirazaho amafaranga mu rugo”.

Umuyobozi w’aka karere wungirije ushinzwe iterambere ry’ubukungu, Ntaganira Josué Michel, avuga ko kwizigamira byazamuye cyane imibereho y’abatuye muri aka karere muri rusange ngo kuko bigaragarira ku mubare w’abana bagana amashuri kandi ababyeyi bakabishyurira neza, bitandukanye na kera aho hari abana baburaga ikibarihira kuko ababyeyi babaga bayapfushije ubusa kubera kuyibikaho.

Izindi wakunda

Bwiza.com
error: Alert: Ntabwo byemewe!!