bwiza.com
Ahabanza » Perezida Kagame arahakana ko arimo gutegura uzamusimbura
Amakuru Politiki

Perezida Kagame arahakana ko arimo gutegura uzamusimbura

Perezida wa Repubulika, Paul Kagame yahakanye ko yaba arimo gutegura uzamusimbura avuga ko umuntu ukwiye kumusimbura azizamura ubwe.

Ibi Perezida Paul Kagame yabitangaje kuri uyu wa Kabiri, itariki 07 Gicurasi, ubwo yaganiraga n’abagize umuryango wa Young Presidents’ Organisation (YPO) baturutse muri Australia ubwo bamubazaga kuri gahunda ijyanye n’uzamusimbura.

Yagize ati: “Ikintu cy’ingenzi kurusha ibindi kuri njye si ukureba hirya no hino ngo nimike umuntu.”

Yakomeje avuga ko hashowe amafaranga mu burezi no mu buzima hazaboneke ahazava abantu bashoboye. Ati: “Atari umuntu nashyizeho, ahubwo umuntu uzazamuka ku giti cye.”

Umuryango wa Young Presidents’Organisation ni ihuriro mpuzamahanga ry’abayobozi ba za business ufite abanyamuryango basaga 27,000 mu bihugu bigera mu 130.

Perezida Kagame yakomeje avuga ko nk’umuyobozi yakomeje gukurikirana imizamukire y’igihugu.

Ati: “Ndi hano kubw’Abanyarwanda kandi mfatanya n’Abanyarwanda kugira icyo twubaka. Iyo hari icyo wubaka, wita ku iterambere ryacyo n’uburambe bwacyo.”

Perezid kagame yakomeje yizeza abashyitsi be ko ubuyobozi bwe buhuriwemo mbere yo kubabwira kubagira inama ashingiye ku byo yize.

Yabasabye kudacika intege mu gihe bahuye n’imbogamizi, kujyana na buri wese nta wusigaye inyuma, kuguma mu murongo, kumenya ko buri gihe haba hari uburyo bwo kuzenguruka cyangwa gucaho.

Ati: “Nimukora ibyo, mufite amahirwe yo kugera kubyo mushaka.”

Izindi wakunda

Bwiza.com