bwiza.com
Ahabanza » Tanzania: Mu nkambi y’impunzi z’Abarundi hafatiwemo umuntu wari ufite isakoshi yuzuyemo Gerenade
Amakuru Politiki

Tanzania: Mu nkambi y’impunzi z’Abarundi hafatiwemo umuntu wari ufite isakoshi yuzuyemo Gerenade

Impunzi z’Abarundi zikambitse mu Nkambi y’impunzi ya Nyarugusu muri Tanzania, barasaba Umuryango w’Abibumbye kubakemurira ikibazo bafite cy’umutekano muke nyuma yaho mu mpera z’icyumweru gishize humvikanyemo urusaku rw’amasasu menshi.

Ahagana saa munani z’ijoro ryo ku wa Gatandatu w’icyumweru gishize nibwo muri iyi nkambi humvikanyemo urusaku rw’amasasu rwakurikiwe n’isaka ryakozwe n’igipolisi cya Tanzania, aho cyaje gufata umuntu wari ufite isakoshi yuzuyemo gerenade.

Nk’uko bitangazwa na SOS Medias/ Burundi, ngo polisi ya Tanzania yakoze umukwabo ukaze, ihagarika uwo ibonye wese mu nzira, ku Cyumweru ngo ikaba yarafashe uyu muntu utaratangajwe amazina ngo wari ufite gerenade yagombaga gutera muri kiliziya iri muri Zone ya Cyenda.

Bitangazwa kandi ko hari inama ngo yakorewe muri zone izwi nka ‘Centre Jeune’ y’abanye Congo, aho ngo bavugaga gushyira mu bikorwa ‘umugambi wabajyanye’. Izi mpunzi zikaba zifite impungenge ko hashobora gukorerwamo igikorwa kidasanzwe cy’iterabwoba.

Zatangarije Umuryango w’Abibumbye ko kugeza ubu zitizeye inzego z’umutekano za Tanzania zibarindiye umutekano mu gihe babona hari byinshi bikorwa bibahutaza.

Izindi wakunda

Bwiza.com
error: Alert: Ntabwo byemewe!!