bwiza.com
Ahabanza » Musanze: Ibihumbi by’abaturage bazindukiye kwakira Perezida Kagame- AMAFOTO
Amakuru Politiki

Musanze: Ibihumbi by’abaturage bazindukiye kwakira Perezida Kagame- AMAFOTO

Ibihumbi by’abaturage baturutse mu bice bitandukanye by’Akarere ka Musanze n’ahandi hatandukanye mu Ntara y’Amajyaruguru, bazindukiye kwakira umukuru w’igihugu Paul Kagame wagiriye uruzinduko rw’akazi muri aka karere.

Akarere ka Musanze Perezida Kagame yasuye,  gafite ubuso bungana 530,2kmzigizwe na 60km2 za Pariki y’Ibirunga na 28 km z’Ikiyaga cya Ruhondo, mu majyaruguru yako, gahana imbiri n’igihugu cya Uganda na RDC.

Aka karere kandi kagizwe n’ Imirenge 15, Utugali 68, Imidugudu 432. Hagendewe ku ibarura rusange ry’abaturage (Ibarura  rusange ry’abaturage n’Imitutire rya  4), Abaturage b’Akarere ka Musanze baragera ku bihumbi 368,267 ku buso bwa  km530,4,  ni ukuvuga ubucucike bw’abaturage 694 kuri km2. Ibarura rusange ry’abaturage rirerekana ko umubare w’abagore ari (193868) bingana na 52,6 %  naho (174399) ni abagabo bingana na  47,4 %, by’Abaturage b’Akarere kose.

Nk’uko Perezida y’u Rwanda yabitangaje ibicishije ku rukuta rwayo rwa Twitter kuri uyu wa Kane tariki ya 9 Gicurasi 2019, ngo abasaga ibihumbi 10 nibo babukereye, bakaba bategereje kwakira umukuru w’igihugu kuri Sitade ya Busogo.

Ni uruzinduko rw’iminsi itatu Perezida Kagame arimo kugirira mu Ntara y’Amajyaruguru n’Iburengerazuba. Ku munsi wa mbere warwo, yasuye ku wa Gatatu tariki ya 8 Gicurasi, abatuye akarere ka Burera.

Yasabye abayobozi gufasha abaturage b’aka karere kubona serivisi nkenerwa bajyaga gushaka mu bihugu by’abaturanyi, abizeza umutekano usesuye ngo ugomba kuboneka ku neza cyangwa se mu bundi buryo bwashoboka.

Nyuma yo gusura abo muri Musanze, uruzinduko umukuru w’igihugu ararukomereza mu Ntara y’Iburengerazuba.

Izindi wakunda

Bwiza.com