bwiza.com
Imikino

Manchester City yegukanye igikombe cya Shampiyona y’ Ubwongereza’ Premier league “2018/2019

 

Ikipe ya Manchester City yegukanye igikombe cya Shampiyona y’Ubwongereza ” England Premier league 2018/2019 nyuma yo gutsinda Brighton and Hove Albion ibitego bine kuri kimwe (4:1).

Manchester City ikaba yegukanye iki gikombe nyuma yo kunyagira Brighton and Hove Albion ibitego 4:1. Ibi bitego bikaba byatsinzwe na Sergio Aguero, Aymeric Laporte, Riyad Mahrez na Ikaay Gundogan.

Iyi kipe itwaye iki gikombe nyuma yo gukubana n’ ikipe ya Liverpool kugeza k’ umunsi wa nyuma wa Shampiyona. Manchester City itwaye igikombe nyuma yo kugira amanota 98 . Ikaba yakurikiwe na Liverpool yari ifite amanota 97 bari bahanganye mu buryo bukomeye .

Shampiyona y’Ubwongereza ni imwe mu ma Shampiyona akundwa n’abantu benshi ku isi. Liverpool na Manchester City bikaba byarahanganye kugeza ku mukino wa nyuma hataramenyekana ikipe izegukana igikombe.

Liverpool ikaba yakinnye umukino wayo wa nyuma yizeyeko ishobora gutwara igikombe mu gihe Manchester City yaba itakaje umukino yari ifitanye na Brighton and Hove Albion dore ko Manchester City yari iyoboye urutonde irusha Liverpool inota rimwe gusa.

Abafana ba Liverpool bari bategereje ibitangaza ko byaza kuba bakegukana igikombe cya Shampiyona dore ko bagiheruka mu mwaka wa 1990. Kuri icyi cyumweru bakaba batsinze ikipe ya Wolves ibitego bibiri ku busa byombi byatsinzwe na Sadio Mane.

Gusa gutsinda kwa Liverpool ntacyo byayimariye kuko Manchester City nayo yari yamaze gutsinda umukino wayo.

Manchester City ikaba ikoze amateka yo kwegukana Shampiyona imyaka ibiri yikurikiranya.Ibi byaherukaga gukorwa na Manchester United muri 2007 na 2008.

Dore amakipe ane ya mbere azahagararira Ubwongereza muri UEFA Champions League 2019/2020.

1. Manchester City n’amanota 98
2. Liverpool (97)
3. Chelsea(72)
4. Tottenham (71)

Abakunzi ba Manchester United ,ikaba yarangije ku mwanya wa 6 n’amanota 66 naho Arsenal ikaba yarangije ku mwanya wa 5 n’amanota 70.

Nkurunziza Viateur@ Bwiza.com

Izindi wakunda

Bwiza.com