bwiza.com
Amakuru mu mahanga Uncategorized

Burkina Faso: 6 barimo n’umupadiri biciwe mu kiliziya

Kuri wa 12 Gicurasi ahitwa Dablo muri Burkina Faso, abantu bitwaje intwaro bateye abakirisitu bari mu misa mu kiliziya, 6 barimo na padiri wabo bahasiga ubuzima.

Iyi nkuru dukesha BBC, iravuga ko abantu bagabye iki gitero bari hagati ya 20 na 30, bahise banatwika iyo kiliziya.

Umuyobozi w’aka gace ka Dablo, Ousmane Zongo, yavuze ko abagabye igitero barashe abagerageje guhunga ndetse banasahura ikigo cy’ubuvuzi gihari. Yongeyeho ko ubwoba ari bwinshi mu baturage.

“Ubu hari ubwoba mu mugi wose. Abantu bagumye mu ngo zabo n’ibikorwa byabo nk’ubucuruzi  byahagaze.” Zongo.

Aba baturage bo barashinja ikigo cya gisirikare cyegereye aka gace kuba kitihutiye gutabara, bikaba ngombwa ko hatabara abasirikare baturutse mu gace  ka  Barsalogho, kari mu bilometero 45, mu majyepfo ya Dablo.

Ibi bitero bigabwa cyane ku madini ya gikirisitu nko muri za kiliziya, byigambwa cyane n’imitwe yegamiye ku idini ya Islamu. Byatangiye kugabwa muri iki gihugu mu 2016.

Amakuru avuga ko mu byumweru bitanu bishize, iki kibaye igitero cya gatatu kigabwe ku rusengero rwa kiliziya gatolika.

 

Izindi wakunda

Bwiza.com
error: Alert: Ntabwo byemewe!!