bwiza.com
Amakuru Urukundo

Ibintu 5 abagabo baca inyuma abagore babo batinya

Bitewe n’agahugu n’umuco wako, hari aho usanga guca inyuma umugore/umugabo wawe ari icyaha gikomeye, kimwe n’uko hari aho usanga bifatwa nk’ibisanzwe, ariko mu by’ukuri uwaciye undi inyuma uko byagenda kose aba afite impungenge ko uwo bashakanye yamufata.

Tuvuze ku mugabo waciye umugore we inyuma, hari ibintu byinshi aba afitiye impungenge, bimwe muri byo twavuga:

1.Kuba umugore we yamufata: Umugabo n’ubwo yaba ari intavugirwamo mu rugo, igihe cyose yaciye inyuma umugore we, aba afite ubwoba ko yamufata, bityo akaba yakwemera gutanga amafaranga menshi ariko bakajya gusambanira kure y’iwe.

2.Gusambanira mu rugo rw’undi mugabo: Abagabo benshi batinya gusambanira mu rugo rw’undi mugabo, kabone n’ubwo yaba yaragiye hanze y’igihugu abizi neza ko atari hafi, birarenga akajyana na wa mugore we bakajya gushaka ahandi basambanira ariko atari muri urwo rugo. N’ubwo hari ababikora rimwe na rimwe bagafatwa, bikarangira bahakuye imbwa yiruka, ariko abenshi barabitinya.

3.Batinya ko abana bamenya ko aca inyuma nyina: Umugabo uca inyuma umugore we, akenshi niyo abimubazaho akora ibishoboka byose ku buryo nta mwana we ubyumva, umugore we n’ubwo yabimenya nta kibazo, bashaka uburyo bo ubwabo babishwaniramo cyangwa se bakabishakira umuti, ariko umugabo ntaba ashaka ko abana babizamo.

4.Batinya kubona baciwe inyuma: Umugabo uca inyuma umugore we iyo asanze na we[umugore] hari undi mugabo baryamanye, arafuha ku buryo budasanzwe, igihe cyose ntaba yifuza ko umugore we yagira undi muntu baryamana.

5.Gutinya bene wabo w’umugore: Umugabo wazengereje umugore we umuntu wa mbere agirira isoni ni nyirabukwe, kuko igihe cyose amuciye iryera aba azi ko umukobwa we yabimubwiye, iyo bifashe intera ndende, agera n’aho acika muri bene wabo w’umugore we kubera ibimwaro.

 

Izindi wakunda

Bwiza.com