bwiza.com
Ahabanza » RDC: Abahoze mu mitwe y’inyeshyamba bishyize mu maboko ya Leta barataka inzara
Amakuru Politiki

RDC: Abahoze mu mitwe y’inyeshyamba bishyize mu maboko ya Leta barataka inzara

Des ex-combattants inscrits au programme DDR3 à Kamina (Katanga). Radio Okapi/Ph. Ascain Zigbia

Abahoze ari abarwanyi mu mitwe y’inyeshyamba zitandukanye nyuma bakaza gushyira intwaro hasi, bavuga ko babayeho mu buzima busharira mu Nkambi ya gisirikare ya Nyamunyunyi babaye bacumbikiwemo, muri Teritwari ya Kabare.

Iyi nkambi niyo bashyizwemo kuva umunsi bashyiraga intwaro hasi, abenshi muri bo ngo bakaba bari mu mitwe y’inyeshyamba yarwaniraga muri Teritwari ya Kalehe.

Nk’uko Radiyo Okapi ibitangaza, ngo hashize amezi abiri baba muri iyi nkambi, ariko bakaba bavuga ko barara hasi, kurya rimwe ku munsi n’indi mibereho mibi.

Umuvugizi w’ingabo muri aka gace yatangarije iyi radiyo ko imibereho y’izi nyeshyamba izwi n’ubuyobozi. Bamwe ngo bazashyirwa mu gipolisi abandi mu gisirikare, kimwe n’uko ngo hari abazasubizwa mu buzima busanzwe.

 

Izindi wakunda

Bwiza.com
error: Ntibyemewe