bwiza.com
Amakuru Politiki

Imirwano hagati y’Abanyamulenge n’inyeshyamba ikomeje gusiga benshi mu kaga

Inzu zaratwitswe, ibihumbi by’abaturage birahunga kubera imirwano imaze icyumweru hagati y’abaturage bo mu bwoko bw’Abanyamulenge n’inyeshyamba za Mai Mai, bityo abaturage bakaba bavuga ko bugarijwe n’ibibazo batewe n’iyi ntambara.

Umuyobozi wa Komini Minembwe, Gadi Mukiza Nzabinesha avuga ko Abarwanyi ba Mai Mai bazindutse ku wa Mbere tariki ya 13 Gicurasi, batera mu duce dutuwemo n’Abanyamulenge batwika inzu, abaturage bava mu byabo barahunga.

Iki gitero Mai Mai igabye ku Banyamulenge kije gikurikira icyo umutwe wa Gumino na Twirwaneho y’Abanyamulenge bagabye mu gace k’Abanyindu n’ubundi bwoko mu Gipupu, Mutunda n’ahandi, hakaba hari n’utundi duce Abanyamulenge batwitse.

Mukiza uvuga ko igisirikare cya Congo (FARDC) ntacyo gikora ngo gihagarike iyi mirwano,  ashimangira ko hari ikihishe inyuma yayo.

Avuga ko inyeshyamba za Mai Mai zirimo kugaba ibitero muri segiteri ya Tanganyika na Rulenge, ngo zitwaza urupfu rw’umuyobozi wabo waguye mu gace ka Tanganyika yishwe n’umutwe wa Gumino w’Abanyamulene, ariko ko bigaragara ko hari ikindi kibyihishe inyuma.

Ati “Ni ibintu turimo dushakisha kumenya neza abantu bakoresheje aba ba Mai Mai kandi baranabashyigikira,…”.

Abaturage bamaze icyumweru cyose muri iyi ntambara bavuga ko bugarijwe n’imibereho mibi. Uyu yagize ati “Dufite inza nyinshi, nyinshi,… abana barahunze, abagabo bahunga ukwabo n’abagore ni uko, twese ntabwo turi hamwe, Mudutabare mutubere abatabazi muduhereze icyo turya n’ibindi, ntawahunganye imyenda,…”.

Sosiyeti Sivile muri aka gace imirwano irimo kuberamo, yatangarije VOA ko ibihumbi by’abaturage byahungiye iyi mirwano mu mashyamba, mu misozi n’ahandi mu gihe igisirikare cya Congo kirebera.

 

Izindi wakunda

3 Ibitekerezo

ndirwanda 14/05/2019 1:04 pm at 1:04 pm

kayumba abatabare!!!!hhh NGO mwaramucumbikiye da!mbabazwa Niko urwanda rwabafashije narangiza nkumva NGO kayumba ari iminembwe!!!!!!so sad

Subiza
Karonji 14/05/2019 6:06 pm at 6:06 pm

Ibyuvuga ngo murwanda rwaradutabaye twigeze twiyambaza murwanda ngo rudutabare icakubwirako amahoro mufite murwanda akomoka kumaraso yabana bacu bapfuye babafasha kugirango muhirike ubutegetsi bwa hsbyarimana ntituzigera dupfukamira narimwe abanyarwnda kuko nimba nubu tubuze amahoro imurenge tuzinezako arurwanda rurinyuma yaba mai mai .ark turishoboye ubwacu yaba uwo kayumba uvuga nimba ari murenge bakubwiyeko arabanyamulenge bamuhaye icumbi?cgw ari Congo rero never and never again kuvugango eraga ngurwanda rwigeze rufasha umunyamulenge uzabaze neza :itwari zimurenge zishwe nabanyarwanda about ni (Nicolas ,gakunzi Freddy,budurenge,nabandi Bose ababose babaye murugamba rwokubohoza urwanda .twarabamwnye

Subiza
Rugagara 15/05/2019 2:09 pm at 2:09 pm

Uyu witwa Ndirwanda abakera baciye umugani ngo umugabo mbwa aseka imbohe inkoni ikubise mukaso uyirenza urugo, umwe iyo apfuye undi aba arwaye ntekerezako utari mu mubiri abanyamurenge n,abantu nkawe nibapfa ntanyungu uzabigiramo nanto kandi nimba uyifite niyigihe gito tuza Uzaze usengera urwanda Imana ikomeze kuruyobora neza naho abanyamurenge Bafite Imana yabo izabarwanirira kandi izabatsindishiriza soma 2 Ingoma 32:6,8

Subiza

Tanga Igitekerezo

Bwiza.com
error: Alert: Ntabwo byemewe!!