bwiza.com
Amakuru Politiki

Abantu 10,000 bamaze gukurwa mu byabo n’imirwano iri kubera i Minembwe

Abantu bagera ku 10,000 bamaze guteshwa ibyabo kubera imirwano ikomeje kubera mu misozi ya Minembwe muri Kivu y’amajyepfo mu burasirazuba bwa Repubulika ya Demokarasi ya Congo nk’uko byemezwa na BBC.

Ni imirwano irimo guhuza amoko atandukanye y’abaturage ba Congo arimo Ababembe, Abanyindu n’Abafurero bahanganye n’Abanyamulenge, ariko kugeza ubu icyo kibazo ngo kiracyagoye kumva neza.

Abayobozi bo muri ayo moko bahamagarira igisirikare cya Congo kubatabara ngo kubera ko kugeza ubu kitarakoresha ingufu zikwiye ngo intambara ihagarare.

Bwana Enock Ruberangabo wo mw’ishyirahamwe ridaharanira imyanya ya politike, yavuze ko iyi mirwano yiganjemo Abafurero n’Abanyindu bahanganye n’Abanyamulenge.

Yasobanuye ko imirwano yatangiriye ahitwa mu Rurambo hari Abarundi ndetse n’Abanyarwanda kandi ari ibintu bimaze nk’imyaka ibiri.

Yavuze ko bakomeje kwiyambaza Leta ya Congo agira ati: “Ibyo tubona kuri terrain twebwe nk’abaturage turavuga ngo ntibihagije, turakomeza gusaba leta ko yatabara abaturage kuko niyo nshingano yayo, nicyo abasirikare babereyeho.”

Enock yavuze ko abasirikare ba leta bari muri ibi bice biberamo imirwano ariko ari bacye hakenewe kongerwa abandi bagatabara abaturage.

Izindi wakunda

Bwiza.com
error: Alert: Ntabwo byemewe!!