bwiza.com
Ahabanza » Nyagatare: Minisitiri yasabye RIB na Polisi guhiga aborozi  babangamiye ubuziranenge bw’amata
Amakuru Politiki

Nyagatare: Minisitiri yasabye RIB na Polisi guhiga aborozi  babangamiye ubuziranenge bw’amata

Minisitiri w’ubuhinzi n’ubworozi, Gerardine Mukeshimana, kuwa mbere tariki ya 13 Nzeri 2019 yagiranye inama n’abafite aho bahuriye n’ubworozi n’ubuyobozi bw’inzego hagamijwe gufata ingamba zo guteza imbere ubworozi mu turere twa Gatsibo, Nyagatare na Kayonza mu biganiro yagiranye n’abitabiriye inama yasabye Polisi y’igihugu n’urwego rw’ubugenzacyaha RIB gushakisha ababangamira ubuziranenge bw’amata.

Guvereneri Mufulkye Fred uyobora intara y’iburasirazuba nawe witabiriye iyo nama yavuze ko ibibazo biri mu bworozi muri utwo turere bagiye gushyiraho itsinda rigiye gusesengura imiterere yabyo nuko byakemuka .

Yagize ati “Icyo tugiye gukora nuko tugiye gukora isesengura ry’ibi bibazo byose ,tugiye gushyiraho itsinda ryigenga mu gihe cy’icyumweru iryo tsinda rizaba ryamaze kuduha raporo ,tugiye no gukurikira niba buri rwego rukora ibyo rwakabaye rukora icyo rugomba gukora.”

Aborozi bo mirenge ya Karangazi na Rwempasha bavuze ko baterwa igihombo nuko bajyana amata ku makusanyirizo y’amata bakanga kuyabagurira kubera ko basanga amata yabo adafite ubuziranenge  kandi bitewe na bake mu bakoresha nabi imiti batera inka bakoresheje inshinge bituma amata atagira ubuziranenge kubera kutubahiriza amabwiriza yo gutera imiti inka .

Aborozi banavuga ko umuntu umwe ajyana amata atujuje ubuziranenge yagera ku makusanyirizo y’amata bakayavanga bayakura ku ruganda rwitwa Savannah rupima amata mbere yo kuyajyana ku nyange bakagaragaza ko amata atujuje ubuziranenge bakayanga.

Abaturage bavuga ko bituma bahura n’ibihombo bituma umukamo utiyongera uko bikwiye banavuga ko bahuye n’ikibazo cy’uko imiti bahawe yica uburondwe .

Minisitiri w’ubuhinzi n’ubworozi Gerardine Mukeshimana yabwiye abayobozi bo mu nzego z’ibanze ko bakwiye gushyira imbaraga mu gukurikirana ibibazo aborozi bafite.

Yagize ati “Ubuyobozi bw’uturere bugomba gushyira imbaraga mu kureba uko amata atwarwa ,twanumvikanye ko bagomba gufuhera mu midugudu abavitereneri b’imirenge bagafasha kugirango imiti yica uburondwe ikoreshwe neza ariko ntabwo bafashwa nta ruhare aborozi babigizemo twese duhari kugirango tubafashe imyumvire ya Nyagatare igomba guhinduka.”

Minisitiri yakomeje asaba urwego rw’ubugenzacyaha na Polisi y’igihugu gushakisha ababangamiye kubungabunga ubuziranenge bw’amata .

Agira ati “Ndasaba polisi na RIB kudufasha bagashakisha abantu bangiza amata hari abatera inshinge inka kandi muri Nyagatare hari abaganga b’amatungo bahari, hari n’abashyiramo amazi bangiza amata icyo polisi igiye kukidufasha kugirango ibyo bibazo bikemuke tubone amata yujuje ubuziranenge.”

Imibare itangwa n’ihuriro ry’amakoperative y’aborozi  igaragaza ko mu mezi 6 amata yagejejwe kuri Savannah ipima amata ikayajyana ku ruganda rw’inyange ayahageze yujuje ubuziranenge yanganaga na 85% akaba ari litiro 9.358.428 naho ayo batakiriye kubera kutuzuza ubuziranenge ni litiro 1.403.764 bingana na 15%.

 

Izindi wakunda

Bwiza.com
error: Ntibyemewe